TIB (Kadastr)

Tashkentgi TIB – Texnik inventarizatsiya byurosi. Endi u Toshkent shahar yer resurslari va davlat kadastri boshqarmasi deb ataladi.

Kadastr boshqarmasi barcha koʻchmas mulk obyektlari haqida ma’lumot toʻplaydi: ularning joylashgan joyi, texnik holati va narxi. Uning ma’lumotlar bazasida ushbu obyektlar qurildandan boshlab barcha bosqichlarda sodir boʻlgan oʻzgarishlar haqidagi maʻlumotlar saqlanadi. Kadastr boshqarmasi quyidagi xizmatlarni taqdim etadi:

• texnik pasport va texnik rejani tayyorlaydi;
• koʻchmas mulkni baholash va qayta baholashni (inventarizatsiya) amalga oshiradi;
• reyestrdan ma’lumotlarni taqdim etadi;
• qayta tuzilishni qonuniylashtiradi;
• koʻchmas mulk hisobini yuritadi;
• geodeziya ishlarini olib boradi.

Boshqarma tashkil etishning liniya shakliga ega. Yuristlar, texnik boʻlim, mijozlar bilan aloqa boʻlimi rahbarga boʻysunadi.

Fuqarolar koʻchmas mulk bilan bogʻliq operatsiyalar: qurilish, sotib olish, sotish, ayirboshlash, meros olish va h.k.larda kadastr xizmatiga murojaat qilishlari mumkin.

Notarial idoraga turar maydoni bilan bogʻliq har xil turdagi operatsiyalarda maʻlumotnoma olish uchun xodimlarga kadastr hujjatining asl nusxasini davlat roʻyxatidan oʻtkazilganligi toʻgʻrisidagi mavjud guvohnomalar va mulkdorning yoki vakolatli shaxsning shaxsini tasdiqlovchi hujjat, STIR nusxasini taqdim etish kerak. Hujjatlar faqat uy-joy egasi yoki ishonchnoma rasmiylashtirilgan shaxs tomonidan topshiriladi.

Sertifikat berishdan oldin, uyga asl kadastr hujjatiga ega boʻlgan inspektor, albatta, tashrif buyuradi. U barcha xonalarni koʻzdan kechirib, hujjatda koʻrsatilgan hamma narsani haqiqiy holat bilan solishtiradi. Agar mulkdor tomonidan qayta qurish amalga oshirilgan boʻlsa, devorlar buzilgan boʻlsa, hammom, oshxona koʻchirilgan, kengaytirilgan boʻlsa, bu qoidabuzarliklar qayd qilib olinadi. Noqonuniy qayta qurish holatida mulkdor sudga tortiladi va unga nisbatan katta miqdorda jarima solinadi. Agar inspektorning tekshiruvi kvartirada qonunbuzarliklarni aniqlamasa, unda 3 kundan keyin pasport va ilgari berilgan kvitansiyani koʻrsatgan holda sertifikat hamda kadastrning aslini olish mumkin.

TIB barcha koʻchmas mulk operatsiyalarida ishtirok etadi. Agar siz kvartirani yoki uyni qayta qurish, sotish, merosni rasmiylashtirish yoki yashash joyingizni hadya qilishga qaror qilsangiz va boshqa koʻp hollarda, albatta, kadastr boshqarmasiga tashrif buyurishingiz kerak.