Toshkentda yangi inshoatlar narxi 2019

1. So‘nggi yillarda poytaxtda yangi ko‘p qavatli binolar jadallik bilan barpo etilmoqda. Poytaxt aholisi va boshqa shaharlik fuqarolarga qulay toifasidan tortib, to elita toifasigacha bo‘lgan uy-joylarning katta tanlovi taqdim etilmoqda. Yangi binolar o‘rtacha 5-9 qavatli qilib barpo etilyapti, chunki Toshkent zilzilalar ehtimoli yuqori bo‘lgan zonada joylashgan.

 

2019 yilda yangi qurilgan uylarda bir metr kvadrat maydon narxi 4-20 mln so‘m atrofida bo‘lmoqda. Narxlar tumanga, uy toifasiga, qavatiga bog‘liq. Har bir yangi qavat bilan u bir m2 uchun 200-300 ming so‘mga arzonlaydi. Shu bilan birga Golden House, Murad Buildings qurilish kompaniyalari yuqori qavatlarning afzalliklari haqida gaprib, ularni qimmatroq narxga taklif qilishmoqda: masalan, shaharning chiroyli manzarasi, toza havo. Biroq bu tendentsiya hamma quruvchi tashkilotlarda kuzatilayotgani yo‘q.

Hozir kompaniyalarning ko‘pchiligi qavatga yoki boshqa sharoitlarga bog‘liq bo‘lmagan bitta narxni belgilaydi. Olmazor tumanidagi Cambridge Residence’da qavatidan qat’i nazar barcha narxlar bir xil. Bir metr kvadrat uchun 9 350 000 so‘m. Yunusobod tumanidagi «Oazis» turarjoy majmuida 1-9 qavatlardagi kvartiralarning narxi bir m2 uchun 4 900 000 so‘m. Yashnabodda – 5 300 000 so‘m.

 

Bu yerda xaridor pulni qanday to‘lashi muhim rol o‘ynaydi. Agar u to‘lovning hammasini birdaniga kiritsa, 20% dan ortiq chegirmaga ega bo‘lishi mumkin. Kredit yoki ipotekaga rasmiylashtirilgan kvartira qimmatroqqa tushadi. Kvartira foydalanishga topshirilishdan oldin qanchalik ertaroq xarid qilinsa, u shunchalik arzonga tushadi.

 

Toshkentda yangi uylar qiymati.

 

Ko‘pgina xaridorlarni quyidagi savollar qiziqtiradi: nega narxlar orasida bunchalik katta farq bor? Yangi binolarda bir metr kvadratning narxi qanday shakllantiriladi? Barcha jihatlarni ko‘rsatib beradigan maxsus formula yo‘q.

Narx turli ko‘rsatkichlardan tashkil topadi. U yer uchastkasi joylashgan yerga, foydalanilgan materiallarga, fuqarolar uchun yaratilgan qo‘shimcha qulayliklarga bog‘liq. G’isht uydagi muayyan parametrlarga ega kvartira panel uydagi xuddi shunday kvartiradan qimmatroq turadi.

 

Ayni paytda hududni obodonlashtirishga va ijtimoiy infratuzilmaga katta e’tibor qaratilmoqda. Bu qo‘shimcha mablag‘larni talab qiladi. Qurilish ishlari katta miqdorda quruvchilar va maxsus texnikani jalb etishni talab qiladigan texnologiyalar bo‘yicha amalga oshirilishi mumkin.

Yangi qurilgan turarjoy qiymatiga quyidagi xarajatlar kiritilishi mumkin:

 

• yer uchastkasini xarid qilish yoki ijaraga olish;
• qurilish materiallari va transport;
• kommunikatsiya tizimlarini yaratish;
• hududni ko‘kalamzorlashtirish;
• quruvchilarning ish haqi;
• rieltorlik agentliklarining xizmatlari;
• quruvchi tashkilot oladigan foyda va boshqalar.

 

Endi siz birlamchi ko‘chmas mulk narxi nimalardan tashkil topishini bilasiz. Xarid qilishdan oldin qurilish tashkilotining hujjatlarini tekshiring. Agar turarjoy narxi o‘rtacha bozor narxidan past bo‘lsa, unda quruvchi tashkilot biror narsada tejagan yoki qonunni chetlab o‘tgan bo‘lishi mumkin. Ushbu quruvchi tashkilotdan ko‘chmas mulk sotib olgan xaridorlarning fikriga qiziqib ko‘ring. To‘plangan ma’lumot sizga kvartirani tavakkalsiz xarid qilishga va uyingizni xotirjam jihozlashga yordam beradi.