Compare Listings

Yangi bino sotib olayotganda nimaga e’tibor berish kerak

Yangi bino sotib olayotganda nimaga e’tibor berish kerak

Uyni yangi binoda sotib olsangiz, rivojlanayotgan yoki mavjud infratuzilmasi bo‘lgan istiqbolli hududda joylashgan zamonaviy kvartiralarga ega bo‘lasiz. Kvartirani sotib olish har bir insonning hayotidagi muhim voqea.

Kvartirani tanlashda, qurilish bosqichida narx kamroq bo‘lishini hisobga olish kerak, to‘la summa to‘laganda esa, bino quruvchi 15-20% chegirma qiladi. Uy foydalanishga topshirilganidan so‘ng, narx ancha yuqori bo‘ladi. Narxga, shuningdek, qurilishda ishlatiladigan materiallar, avtoturargohlarning mavjudligi, binoning liftlar, domofonlar bilan jihozlanishi, tutash hududning obodonligi, joylashgan joy ta’sir qiladi.

Qayday uyni tanlash kerak

Toshkentda yangi binolar karkasli- monolit tipga va rigelsiz konstruktiv tizimiga muvofiq qurilmoqda. Bunday holda, pastki tomlar ustunlar shaklida alohida tayanchlarda qo‘llab-quvvatlanadigan plitalar sifatida ishlaydi. Tizimning afzalligi – bu ship sathida chiqadigan elementlarning yo‘qligi. Rigelsizsiz karkasning konstruktsiyasi 8 ballgacha zilzilaga bardoshli.

Zamonaviy g‘isht-monolit binolarda temir-beton karkas tutib turuvchi funktsiyasini ta’minlaydi, g‘isht devorlari esa yaxshi shovqin va issiqlik izolyatsiyasini yaratadi. Bunday binolarning zilzilaga chidamliligi 9 ballni tashkil qiladi. G’isht uylari vaqt o‘tishi bilan ularning ishonchliligini isbotladi. Sovet davrida asosan panelli uylar qurilgan. Ular bardoshli va issiq, ammo ularda tovush izolyatsiyasi yomon va qayta planirovkaning imkoniyati yo‘q.

Bino quruvchiga ishonishim mumkinmi?

Qurilish kompaniyasi va uning obro‘si to‘g‘risidagi ma’lumotni Internetda va ommaviy axborot vositalarida topish mumkin. Hozirda har bir o‘zini hurmat qiladigan kompaniyada veb-sayt mavjud bo‘lib, bu yerda siz shaharni rivojlantirish sohasida ishlab chiquvchining ish vaqti to‘g‘risida ma’lumot olishingiz, tugallangan loyihalarni ko‘rishingiz, yashovchilarning fikrlarini o‘qishingiz mumkin.

To‘liq manzara to‘g‘risida tasavvurga  ofisga tashrif buyurish, bino quruvchi va qurilish maydonchasining hujjatlarini o‘rganish orqali ega bo‘lish mumkin. Yer hujjatlari, uchastka qanday maqsadlarda ajratilganligi, qurilishni qaysi muddatda tugatish kerakligiga alohida e’tibor bering.

Kvartirani tanlaymiz

Xonalar soni va maydoni haqida qaror qabul qilganingizdan so‘ng, siz kelajakda qulay yashashingizni kafolatlaydigan uy-joy qurishning boshqa jihatlariga e’tibor qaratishingiz kerak.

Qaysi qavat ustuvor

Qurilayotgan yangi binolarning ko‘pchiligida dastlabki ikki qavat tijorat tuzilmalari uchun mo‘ljallangan bo‘lib, bu turar-joy kompleksining ichki infratuzilmasini rivojlantirishga hissa qo‘shadi. Yuqori qavatlardagi xonadonlar, qoida tariqasida, arzonroq va ularga bonus sifatida siz mansarda yoki tomdagi terrasani olishingiz mumkin. Pastki qavatlarlar yashovchilar esa lift buzilishidan qo‘rqishmaydi.

Planirovka

Siz kvartirani erkin planirovkali yoki allaqachon o‘rnatilgan pardevorlari bilan yoki hatto “tayyor holda” sotib olishingiz mumkin. O’zining mijozlari haqida qayg‘uradigan bino quruvchi, hattoki erkin planirovkali uyni ijaraga berayotganda ham , o‘zining zahirasida barcha xonalarning joylashuvchi ishlab chiqilgan bir nechta planirovkalar loyihalariga ega. Agar bunday bo‘lmasa, unda siz buni o‘zingiz qilishingiz, yaxshi mutaxassisni topishingiz va uning xizmatlari uchun to‘lashingiz kerak bo‘ladi.

Katta maydonga maftun bo‘lib qolmang, agar kvartirada katta yo‘laklar bo‘lsa, shtish xonalari mavjud bo‘lsa, ular siz uchun qulaylik yaratmaydi, lekin kommunal xizmatlar uchun ko‘proq pul to‘lashingiz kerak bo‘ladi. Agar kvartirada “noto‘g‘ri” shakldagi xonalar – yumaloq, o‘tkir burchakli, olti burchakli va boshqalar bo‘lsa, unda mebellarni joylashtirish noqulay bo‘ladi.

Tomonlar va xonalarning insolyatsiyasi

Har bir xonadagi derazalar soniga va uning o‘lchamiga e’tibor bering. 10-12 kvadrat metr uchun normal bitta deraza bo‘lishi kerak. Agar barcha derazalar uyning bir tomoniga qaragan bo‘lsa, unda bunday xona yomon shamollatiladi va derazadan yagona ko‘rinish hech kimga yoqmaydi. Ushbu joylashuvdan faqat chegirmalar uchun sabab sifatida foydalanish mumkin.

Ta’mirlash

Qurilish kompaniyalari xomaki qoplamali, qoplamasi tugatilgan va “tayyor holda”gi kvartiralarni taklif qilishadi. Yangi binoda kvartirani qisman yoki to‘liq ta’mirlash uning narxini sezilarli darajada oshiradi. Ammo bu holda siz vaqtni va “asabiylikni” tejashingiz mumkin, chunki agar ta’mir faqat boshlang‘ich bo‘lsa, ta’mirlashni davom ettirish kerak bo‘ladi. Kvartiraning asosiy jihozlariga nimalar kiritilganligini so‘rang: deraza romlari, old eshiklar, hisoblagichlar, qozon va radiatorlar, santexnika va boshqalar.

Avtoturargoh

Turar-joy majmuasida avtoulovlar uchun to‘xtab turish joyi bor-yo‘qligini aniq bilib oling, aks holda sizga mashinangiz uchun joy topish bilan bosh og‘rig‘i kafolatlanadi. Kvartiraning narxi mashinalar o‘rnini ham o‘z ichiga olishi mumkin yoki uni qo‘shimcha ravishda sotib olishingiz kerak, menejer bu haqda sizga aytib berishi mumkin.

Infratuzilma

Majua qaysi hududda joylashganiga, yaqin atrofda tibbiy muassasalar, bolalar bog‘chasi, maktab, dorixona yoki bozor mavjudligiga e’tibor bering. Markaziy avtomagistrallar va jamoat transporti bekatlarining joylashgan joyi ham juda muhim, sizning ish joyiga qanchalik tez yetib borishingaiz shunga bog‘liq.

Bino quruvchisining o‘zi ham, rieltorlik tashkilotlari ham yangi binolarda kvartiralarni sotishlari mumkin. Ob’ektlarning katta ma’lumotlar bazasi borligi ikkinchisining foydasiga ishlaydi. Ular ko‘proq variantlardan kvartirani tanlab berishlari mumkin.

Yangi binoda kvartirani sotib olish, ikkilamchi bozorda kvartira sotib olishdan ko‘ra qiyinroq emas, ammo siz hali ham ma’lumot to‘plashingiz va yo‘l bosishga baribir to‘g‘ri keladi. Ammo kelajakda, siz ta’mirdan so‘ng yangi uyga kirganingizda xarajatlar o‘zini qoplab bketadi. Buning ustiga  bu kabi ko‘chmas mulk narxlari yil sayin o‘sib bormoqda.

Related posts

Uyda farovon muhitni qanday yaratish mumkin?

Suratda barcha uydami? Hamma joyda bolalar yugurib yuribdimi? Televizor va videoo‘yinlar shovqini...

Continue reading

Yangi inshootni muvaffaqiyatli va muvaffaqiyatsiz rejalashtirish: buni qanday bilish mumkin

Quyida turar-joy majmuasidagi xonadonni omadli xarid qilingani bilan faxrlanish uchun nimalarga...

Continue reading

Uyda mushuk bo’lsa, qanday divan sotib olgan ma’qul

Uy jonivorlari ichida haqiqiy changalfurushlari bo‘ladi. Shu sabab agar mushugingiz bo‘lsa,...

Continue reading

Suhbatga qo'shiling

19 + 5 =