Millenium turar-joy majmuasi

Toshkentdagi Millenium yangi turar-joy binosi

Millenium turar-joy majmuasi Murad Buildings qurilish kompaniyasi tomonidan “modern” arxitektura uslubida qurilgan bo’lib, zamonaviy tendentsiyalarni klassik elementlar bilan mujassamlashtirgan. Besh qavatli bino shovqinli yo’ldan uzoqroqda, Yunusobod tumani Markaz 5 mavzesida joylashgan. U g’ishtdan qurilgan bo’lib, 9 ballik zilzilaga bardosh beradi.

Infratuzilma

Millenium poytaxtimizning nufuzli tumanlaridan birida barpo qilingan. Bir qadam masofa narida umumta’lim, tibbiyot, davlat va tijorat muassasalari joylashgan. Yaqin o’rtada do’konlar, supermarket, restoran va qahvaxona joylashgan. Qulay transport bog’lamasi shaharning istalgan qismiga nafaqat shaxsiy avtoulovda, balki jamoat transportida ham yetib olish imkonini beradi.

Ko’kalamzorlashtirilgan va obodonlashtirilgan majmua hududi aholi va mehmonlarni xushnud etadi. Bolalar maydonchasi zamonaviy xavfsizlik talablari asosida qurilgan va bolalarning ochiq havoda o’ynashlari hamda tengqulari bilan muloqot qilishlari uchun xizmat qiladi. Hovlida usti yopiq avtoturargoh joylashgan. Majmua hududi va yangi bino kechayu-kunduz ishlaydigan videokuzatuv kameralari bilan jihozlangan.

Podyezddagi pardoz ishlari marmardan qilingan, chiroyli temir panjaralar, aholini kerakli qavatga eltib qo’yuvchi Yaponiyaning Fuji kompaniyasi tomonidan ishlab chiqarilgan shovqinsiz liftlar o’rnatilgan. Ikki sektsiyali transformatorli podstantsiya elektr energiyasi bilan uzluksiz ta’minlab turadi.

Millenuim turar-joy majmuasidagi xonadonlarning narxi

Bir podyezdli uy maydoni 89 m², 100m² va 120 m² bo’lgan jami 20 ta kvartiradan iborat. Xonadonlar erkin tuzilishga ega, qora suvoqdan chiqqan, pollar styajka qilingan, elektr va kanalizatsiya o’tkazilgan. Har bir xonadonda Janubiy Koreyaning Navien Ace kompaniyasi tomonidan ishlab chiqarilgan ikki konturli isitish qozonlari,  ikki shishapaketli Engelberg deraza romlari, ikki qulfli hamda ichki tarafi shponlangan po’lat kirish eshiklari, temir panjaralar hamda deraza tepasidagi zarbaga chidamli soyabonlar o’rnatilgan. Shiftlarning balandligi 3,2 metrga teng bo’lib, xonani keng va yorug’ qiladi.

Ikki qavatli kvartiralar istiqomat qiluvchilarning shinamlikda yashashlari uchun joylarni samarali taqsimlanishini ta’minlaydi. Apartamentlarning narxi kvadrat metr, qavatlar soni va qavatlardagi joylashuviga qarab belgilanadi. Muddatli to’lov asosida xarid qilish imkoniyati ham mavjud.