Qora-Qamish turar-joy majmuasi

Toshkent shahridagi Qora-Qamish yangi turar-joy binosi

Qora-Qamish turar-joy majmuasi – bu zamonaviy qurilishning barcha talablari asosida barpo qilingan ekonom klass toifasidagi uchta besh qavatli binodir. Binolarning fasadi klassik sarg’ish-jigarrang tuslar uyg’unligida bajarilgan. Qurilishning o’ziga xos xususiyatlaridan biri – bu chetdagi xonadonlarda to’siqlari temirdan yasalgan balkonlardir. Jigarrang profilli plastik romlar umumiy ranglar uyg’unligiga juda mos tushadi.

Infratuzilma

Ushnu arxitektura loyihasi Olmazor tumanida, Qora-Qamish 2/4 dahasida Tansiqboyev bozori ro’parasida amalga oshirilgan. Majmua hovlisida yashil hudud, bolalar maydonchasi tashkil qilingan, ochiq avtoturargoh, o’rindiqlar va shinamgina shiyponchalar qurilgan. Aholi uchun jismoniy faollik bilan shug’ullanish imkonini beruvchi jihozlangan sport maydonchasi tashkil qilingan. Yorqin o’yin inshootlari bolalarni o’ziga jalb qiladi hamda ular vaqtlarini xushchaqchaq va zavqli o’tkazishlariga xizmat qiladi. Majmuaning qoq markazida – favvora o’rnatiladi.

Qoriqlash xizmati hamda kechayu-kunduz  olib boriladigan videokuzatuv majmua hududidagi xavfsizlikni ta’minlaydi. Podyezdlar domofonlar bilan jihozlangan.

Mamua yaqinida faol ijtimoiy hayot uchun zarur muassasalar: maktablar, bog’chalar, kollej, kasalxonalar, poliklinikalar, maishiy xizmat ko’rsatish nuqtalari mavjud. Sal narida bir nechta do’konlar, retoran va kafelar, supermarket va bozor joylashgan.

“Qora-Qamish” turar-joy majmuasidagi xonadonlar narxi

Majmuada maydoni 60 dan 100 kv.m. gacha bo’lgan ikki, uch va to’rt xonali kvartiralar taqdim qilingan. Turar-joylar ichki pardoz ishlarisiz sotuvga qo’yiladi, bu narsa bo’lajak egalariga ta’mirlash va interyerni bezashda o’z dizaynerlik g’oyalarini amalga oshirish imkonini beradi.

Shuningdek, to’liq ta’mirdan chiqqan turar-joy sotib olish ham mumkin. Pardoz ishlari bajarilmagan xonadonlardagi bir kvadrat metrining narxi – 4 900 000 so’m, ta’mirdan chiqqan xonadonniki – 6 000 000 so’m. Umumiy narxi xonalar soni va qavatlardagi joylashuvidan kelib chiqib, belgilanadi. Dastlabki badal to’langan taqdirda muddatli to’lov imkoniyati mavjud.