Toshkent tijorat ko‘chmas mulk poytaxti deb nomlandi

Tijorat ko‘chmas mulki O‘zbekistonda hamisha biznesni rivojlantirishning istiqbolli tarmog‘i, deya hisoblab kelingan. Rossiyadagi PwC konsalting va audit kompaniyasi tadqiqotlariga muvofiq, mamlakatimiz poytaxti 3-4 toifasidagi mehmonxonalarning eng yaxshi potentsiali reytingidan o‘rin olgan.

Savdo markazlari

Bugungi kunda ko‘chmas mulk riteyli Toshkentdagi 8 ta savdo markazlari faoliyatiga asoslanadi. Ulardan 5 tadan ortig‘ining qurilishi 2010-yilgacha boshlangan, o‘shanda bu turdagi binolar endi qad rostlashni boshlangan edi. Savdo maydonini qoplash bo‘yicha shahrimiz faqat Yevropa davlatlari va Qozog‘istonga yo‘l beradi.

Yaqin besh yil ichida maydoni 127 ming kv.m. bo‘lgan beshta savdo markazini ochish maqsad qilib qo‘yilgan. Hisob-kitoblarga ko‘ra, atigi ikki yil ichida realizatsiya bir necha barobarga ortadi va bozordagi takliflar soni oshadi.

Sifatli riteylga fuqarolarning yashash darajasi pastligi va narxlari zamonaviy formatlardan anchayin past bo‘lgan bozorlarning faoliyat ko‘rsatishi xalaqit bermoqda. Bir necha yil muqaddam qishloq xo‘jaligi rivoji faol qo‘llab-quvvatlanar edi. Endi esa O‘zbekiston megapolisida ko‘chmas mulk bozori jadal tezlik bilan rivojlanmoqda va an’anaviy hamda eskirgan bozor urf-odatlaridan ko‘ra ko‘proq ahamiyat kasb etmoqda.

Mehmonxona biznesi

Bugungi kunda poytaxtda 60 mingdan ortiq xonaga ega bo‘lgan 125 tadan ortiq mehmonxona qurildi. Asosan qiymati u qadar yuqori bo‘lmagani hisobiga katta talabga ega bo‘lgan mini-mehmonxona va otellarga umid bog‘lanmoqda. Toshkentdagi quyidagi xalqaro mehmonxonalar nisbatan sifatli fondni tashkil etadi: Ramada hotel, Radisson Blu, Wyndham va boshq. Shuningdek, istiqbolli mehmonxonalar sirasiga o‘z vaqtida yangilanish va restavratsiyani amalga oshirgan mahalliy inshootlarni kiritish mumkin.

Tunab qolish miqdorining 85 % turizm biznesiga to‘g‘ri keladi. Qayd etish kerakki, bizda diniy turizmga ixtisoslashgan otellar mavjud va ularga bo‘lgan talab ham kam emas. Turistik oqim yanada baland narx pozitsiyasidagi lyuks otellar tarmog‘ini rivojlantirish imkonini beryapti. PwC taxminicha, O‘zbekistonni 3-4 darajali pozitsiyadan faol tashqi turizm va butun mamlakat bo‘ylab savdo markazlari tarmog‘ini qurish ko‘tarishi mumkin.