Compare Listings

O‘zbekistonda sarmoyani qayerga kiritish mumkin

O‘zbekistonda sarmoyani qayerga kiritish mumkin

Biznes, ko‘chmas mulk, mayning, san’at, avto, aksiyalar – bu sarmoyani kiritish uchun asosiy g‘oyalardir.

Pul ishlab topishgina emas, balki uni to‘g‘ri yo‘naltirish ham muhim. Bu daromadni ko‘paytirish va inflyatsiyani “quvib o‘tish”ga yordam beradi.

Xorijiy va milliy valyutadagi omonatlar

Bosh ofisi Farg‘onada joylashgan “Madad Invest Bank” 8 % depozitlar bo‘yicha yaxshi foizni taklif etmoqda. Mamlakatdagi boshqa banklar yillik 3 % dan 8 %gacha taklif etadi.

So‘mdagi omonatlar u qadar talabgir bo‘lib ko‘rinmasa-da, 4 % bandga oshdi. “Universalbank” va “Turkistonbank” banklari yillik 24 % gacha taklif qilmoqda. “Tenge Bank” va “Asaka” banki esa olti oyga 20 % gacha ajratishi mumkin. Qayd etish lozimki, bank sarmoyalarini amalga oshirishdan oldin depozit shartlari bilan tanishib chiqish zarur. Ba’zi banklar yaxshi foizlar taklif qilishi, biroq vaqt o‘tishi bilan ularni kamaytirishi mumkin.

Qimmatbaho metallar

2020-yilda oltindagi omonatlar alohida foyda keltirmoqda. Ayni paytda bu inflyatsiya fonida omonatlarning nisbatan barqaror turi hisoblanadi. 2018-yildan O‘zbekiston Markaziy bankida oltin esdalik tangalarini sotib olish mumkin bo’ldi. Bu uzoq muddatli davrga mo‘ljallangan puxta o’ylangan tanlovdir. 5-fevraldan bank tangalarga qo‘yilgan narxlarni yangiladi, ulardan bittasi 15,4 mln. so‘m turadi. O‘zbekistonda qimmatbaho metallarga sarmoya kiritishga ruxsat berilgan, biroq bu u qadar oddiy ish emas, zotan firibgarlar qarmog‘iga tushib qolish hech gap emas.

Aksiyalar

Qimmatli qog‘ozlar va aksiyalar muayyan xatarga ega bo‘lsa-da, omonatlar uchun jiddiy instrument hisoblanadi. Bu soha ma’lum bilimlarni talab etadi, shuning uchun mutaxassislar boshlovchi omonatchilarga omonatlarni faqat barqaror kompaniya va korporatsiyalarga qo‘yishni maslahat berishadi. Qimmatli qog‘ozlarning yuqori likvidli ko‘rsatkich va dividendlilarini tanlash lozim.

Ko‘chmas mulk

Ko‘chmas mulkka sarmoya kiritish hamisha bir nechta ko‘rinishlarga ega. Biroq tijoriy obyektlar bilan hammasi oson kechmasligini hisobga olish lozim. Masalan, qo‘lingizda 52 ming AQSh dollari bor. Siz uchun bir nechta yaxshi imkoniyatlar mavjud:

Turar-joy ko‘chmas mulki:

Yunusobod tumanidagi 4- yoki 5-markazlarda narxi 40 mingdan boshlab ta’mirsiz ikki xonali xonadon sotib olish, uning ta’miriga mablag‘ sarflab, 200-300 AQSh dollaridan ijaraga berish mumkin. Yoki ta’mirli xonadonni 50 ming atrofidagi narxda sotib olish va 400-500 dollardan ijaraga berish yo‘li ham bor.

Chilonzor tumanining markazida biryo‘la bir nechta xonadon sotib olishingiz va 5 minglarga kosmetik ta’mir qildirib, so‘ngra har birini 200-300 AQSh dollariga ijaraga berishingiz mumkin.

Tijorat ko‘chmas mulki

Yana bir variant sifatida, o‘sha Chilonzor tumanida yo‘ldan uzoq bo‘lmagan xonadonni 45-50 mingga sotib olib, uni noturar joyga o‘zgartirish va keyinchalik 500-600 AQSh dollariga ijaraga berish mumkin.
Ko‘chmas mulk bozori sarmoya kiritish uchun har doim o‘z o‘zini qoplaydigan va barqaror obyekt bo‘lib qoladi. Boisi kapitalingiz inflyatsiyadan himoyalangan bo‘ladi va jamg‘armangizning bir qismiga aylanadi.

Related posts

Edison yangi uylarining 10 ta afzalligi

Biz ikkinchisining foydasiga 10 ta sabab keltiramiz! Har birimizda uy xarid qilishda bir savol...

Continue reading

Pandemiyadan soʼng koʼchmas mulk bozorida nimalar boʼladi

Bu savolga “Pws Uzbekistan”ning koʼchmas mulk masalalari konsultatsiyasi boʼyicha direktori...

Continue reading

O‘zbekiston banki ma’lumotlar xavfsizligi bo‘yicha xalqaro sertifikatni qo‘lga kiritdi

“O‘zsanoatqurilishbank” ATB O‘zbekistonning “otaxon” banklaridan biri moliyaviy...

Continue reading

Suhbatga qo'shiling

4 × 3 =