Toshkent banklaridagi ipoteka

Ipoteka – bu kerakli summaning faqat bir qismigina mavjud bo‘lgan holatda o‘z uy-joyiga ega bo‘lishning qulay va hammabop vositasi. Quyida biz ipoteka to‘lovlarini mustaqil ravishda hisoblash va Toshkentning turli banklaridagi ipoteka kreditlaring shartlari haqida gapirib o‘tamiz.

Ipoteka nima - qisqacha

Ipoteka krediti — bu uy-joy xarid qilish uchun bankdan naqd pulni qarzga olish. O‘zbekistonda ipoteka 20 yillik muddatga beriladi, bu muddatgacha siz pullarni yillik stavka hajmiga bog‘liq bo‘lgan foizi bilan bankka qaytarishingiz kerak. Davlat banklari ipotekani faqat yangi qurilgan uylar uchun, davlat tomonidan o‘rnatilgan foiz stavkalar asosida taqim etadi. Xususiy banklar ikkilamchi bozordagi uylar uchun ham ipoteka ajratadi, ammo ularning foizi anchayin baland. Ipotekani olish u qadar qiyin emas, buning qanday amalga oshirilishi va nozik tomonlari haqida biz quyidagi maqolada keltirib o‘tdik.

 
Ipoteka to‘lovlari qanday hisoblanadi?

Ipoteka olish uchun  bankka to‘lab borish uchun ham, qulay yashash uchun ham yetadigan barqaror oylik daromad bo‘lishi kerak, ammo buning uchun oylik to‘lovlar yig‘indisini oldindan hisoblab chiqish lozim. Birlamchi to‘lovning qiymati, ipoteka muddati, foiz stavkalari kabi juda ko‘p omillarga bog‘liq bo‘lgan holatda oylik to‘lov kamayishi yoki ko‘payishi mumkin. Oylik to‘lov summasini hisoblash uchun bank xodimlari konsultatsiya paytida sizga yordam beradilar yoki saytimizning Ipoteka bo‘limidagi ipoteka kalkulyatori orqali mustaqil ravishda hisoblab olishingiz mumkin.

Yangi uylar uchun ipoteka stavkalari

Ipoteka stavkalari – bu har yili bank oldidagi qarzning qolgan qismiga hisoblanadigan ma’lum foizdir. Odatda, banklar har oy bir xil to‘lovni amalga oshirishga qaratilgan, to‘lovning bekor qiluvchi turiga mansub mustahkamlangan ipoteka stavkasini taklif etadi. Ipoteka shartlari batafsil keltirilgan banklar ro‘yxati:

Foiz stavka va birlamchi to‘lov bilan bir qatorda turli banklarning ipotekalari taklif qilingan shartnoma shartlari, jarimalari yoki to‘lov jadvallari bilan farq qilishi mumkin. Ipoteka shartnomalari har bir mijoz uchun individual tuziladi, agar siz biror bank bilan o‘zaro kelisholmagan bo‘lsangiz, boshqasiga murojaat qilishingiz mumkin.

Ipoteka imkoniyatlari

Pulni olish va to‘lovni keyin amalga oshirishdan tashqari, ipotekaning bir necha qiziqarli imkoniyatlari borki, bu bilan yangi uyga ko‘chishingiz yengillashadi:

- Ipotekani yakka tarzda olib, uni bir o‘zingiz to‘lashingiz shart emas. Agar nikohda bo‘lsangiz, turmush o‘rtog‘ingizni qarz to‘lashga sherik qilib rasmiylashtirishingiz va bank qarzini birgalikda to‘lashingiz mumkin. Yoki qimmatroq xonadon uchun ipoteka olishda birgalikdagi daromadlaringizdan foydalanishingiz mumkin.

- To‘lovni  yengillashtirish uchun subsidiya olishingiz mumkin. Davlat yangi uylar uchun birlamchi to‘lovning bir qismini bepul to‘lash imkonini beruvchi subsidiyalar taqdim etadi. Subsidiyalar tizimi haqida batafsil bu yerda keltirdik.

- Bank to‘lovini kechiktirsangiz, u asta-sekin jarimalar kirita boshlaydi, uzoq vaqt kechiktirilgan to‘lov uchun uyingizni butunlay olib qo‘yishi mumkin. Bunday hodisa sodir bo‘lmasligi uchun to‘lov qilishga ulgurmay qolganingizda qarzingizni yopa oladigan biror qarindosh yoki do‘stlar orasidan kafil olishingiz mumkin.