Gulqogozlarni yelimlash

0
0
Toshkentdagi xonadonlar ta’miridagi gulqog‘ozlar – gulqog‘ozlar qanday yelimlanadi Domtut

Xonadon tamirini boshlayotganlarning ko’pchiligi gulqogozni qanday yopishtirish kerakligi haqidagi savolga duch keladi. Bu jarayon bilan bog‘liq qo‘rquv va hadiklaringizni tarqatish maqsadida siz uchun batafsil yo‘riqnoma tayyorladik, uni o‘qib chiqqan har qanday odam ham mustaqil ravishda gulqog‘ozlarni yopishtira oladi.

 

Gulqogozlarni yelimlash

1. Avvaliga mavjud gulqog‘ozlardan voz kechish kerak, eskisini ustiga yangisini yopishtirish u qadar  ham yaxshi g‘oya emas. Mobodo gulqog‘ozingiz bo‘lmasa, quyidagi ikkinchi bo‘limga dadil o‘tavering. Eski qog‘ozlardan qutilish uchun shpatel bilan ko‘chirib olish kifoya qiladi, keyin esa qo‘lingizda yirtib olaverasiz. Agar qog‘ozlar ko‘chishni istamasa, ularni yuvish vositasi aralashtirilgan suv bilan xo‘llash yetarli, buning natijasida ular shpatelga osongina ilinadi. 

2. Keyin esa bo‘sh devor suvoq  va mog‘ordan himoyalash uchun gruntlab, tayyorlab olinadi. G‘ildiraksimon chotka yordamida gruntlashni pastdan tepaga qarab boshlang, yirik chotka kirolmaydigan burchaklarda kichik mo‘yqalamdan foydalangan ma’qul. Devorda teshik yoki yoriqlar bo‘lsa ularni keng shpatelni biroz bosib, bir tekis harakatlar bilan suvab chiqish kerak. Grunt va suvoqning qurish vaqti qadoqda ko‘rsatiladi, devor batamom qurimaguncha unga tegmagan ma’qul. So‘ng yana bir qavat gruntlab, navbatdagi bo‘limga o‘tiladi.

3. Keyingi qadam qog‘ozni yelimlashga tayyorlash bo‘ladi. Devor uzunligini o‘lchab olgach, kerakli uzunlikni kesib oling, bu ishni polda bajargan qulay. Xonadagi barcha devorlar tekisligiga amin bo‘lsangiz, birdaniga bir nechta kesmalarni tayyorlab olsangiz bo‘ladi, aks holda devorning har bir kesimini alohida o‘lchab chiqishga to‘g‘ri keladi.

Unutmangki, rasmli gulqog‘ozlarni bir emas, ikkita rulon yordamida yelimlash lozim. Bu holat yelimlash va ikki kesmadagi rasmni birlashtirish jarayonini sezilarli darajada osonlashtiradi.

4. Va nihoyat qog‘ozni devorga yelimlashga ham yetib keldik. Gulqog‘oz o‘ramida yelimni qayerga surtish, qog‘ozning o‘ziga yoki devorgami, shu kabilar haqida batafsil ma’lumot beruvchi yo‘riqnoma bo‘ladi. Yelim qadog‘ida esa uni qanday suyultirish ko‘rsatiladi. Gulqog‘ozdan kesma tayyorlab va kerakli joyga yelim surtib, pol va shiftdan bir necha santimetr oshirib, devorga biriktiring. Birinchi kesimni xonaning istalgan joyidan boshlash, qolgan qismlarni soat yo‘nalishi bo‘ylab, birinchi kesmaning chetiga mo‘ljal olgan holda davom ettirish mumkin.Yelimlash ishlaridan keyin yumshoq chotka yordamida gulqog‘ozni o‘rtasidan chetlari tomon silliqlab chiqing, bu havo pufaklaridan xalos bo‘lishga imkon beradi.  Ortiqcha santimetrlarni xotirjam kesib tashlash mumkin, gulqog‘oz bundan aziyat chekmaydi, xonaning kosmetik ta’miri shu bilan nihoyasiga yetadi.

Gulqog‘ozlarni yelimlash borasida tavsiyalar

Gulqog’ozlarni yopishtirish qiyin emas, ammo ayrim jihatlarni yodda tutsangiz, jarayon yanada yengillashadi:

- Ikkita rulon ko‘proq xarid qiling. Tasodifan bir qism gulqog‘ozga shikast yetkazsangiz, xonani tugatish uchun bir nechta kesma yetmay qolish ehtimoli mavjud. Shu sababli, ortib qolsa olib qo‘yish mumkin bo‘lgan bir juft rulon gulqog‘oz ortiqchalik qilmaydi.

- O‘zingizga yoqqan gulqog‘ozni tanlang, ammo ularning turiga e’tibor qiling. Rejalashtirilmagan ta’mirdagi kutilmagan muammodan qochish uchun ma’lum bir gulqog‘oz turini ma’lum  bir xonaga ishlatish kerak. Devor qiyshiq bo‘lsa, relyefli gulqog‘ozlarni tanlash lozim, yuvsa bo‘ladigan vinil qog‘ozlar vanna va oshxonaga mos keladi. Boshqa barcha holatlarda oddiy gulqog‘ozlar bilan cheklanish mumkin.

- Yelimlashni boshlamasdan avval va yelimlash paytida yelvizak va xonadagi harorat darajasidagi keskin faqrlardan ehtiyot bo‘lish lozim, aks holda, gulqog‘ozlar devordan tushib ketadi. Shuningdek, qog‘ozlar batamom qurimagunga qadar ham oynalarni ochmaslik kerak, yo‘qsa yuqoridagi holat ro‘y beradi.

- Agar yelimlash jarayonida qandaydir xatolikka yo‘l qo‘ysangiz va bundan ish yakunidagina xabar topgan bo‘lsangiz, aslo xavotirga tushishning keragi yo‘q, gulqog‘ozlar qurigunga qadar nimanidir to‘g‘irlashga ulgurasiz. Qadoqda ko‘rsatilgani kabi ular bir necha soatdan to bir necha kungacha qurishi mumkin.

Maqola foydali bo'ldimi?
Bor

Удобнее на русском?

Rus tilida yaxshiroqmi?