Ommaviy oferta

domtut.uz saytida e’lonni joylashtirish xizmatlari ko‘rsatish to‘g‘risida

 "WEBNOW" MChJning ushbu ommaviy ofertasi (bundan buyon matnda "Ijrochi" deb yuritiladi) har qanday muomalaga layoqatli jismoniy va yuridik shaxsga (bundan buyon matnda "Buyurtmachi" deb yuritiladi) domtut.uz saytida e’lonni joylashtirish bo‘yicha xizmatlar ko‘rsatish shartnomasini (bundan buyon matnda "Shartnoma" deb yuritiladi) ushbu ommaviy ofertada bayon etilgan shartlarda tuzishga qaratilgan.

 Ushbu Ommaviy ofertada qo‘llaniladigan atamalarning ta’riflari:

 Ijrochi - "WEBNOW" MChJ, STIR 302431618, pochta manzili: Toshkent shahri, Yakkasaroy tumani, A. Qahhor ko‘chasi, 47-uy.

domtut.uz sayti/Sayt - ko‘chmas mulk sohasidagi domtut.uz saytining kompyuter dasturlari va ma’lumotlar bazasidan iborat bo‘lgan hamda bunday ma’lumotlarning internet tarmog‘ida www.domtut.uz tarmoq manzili (domen nomi) bo‘yicha mavjudligini ta’minlaydigan internet-resurs.

Buyurtmachi - ushbu ofertani qabul qilgan va tuzilgan Shartnoma bo‘yicha Xizmatlar buyurtmachisi hisoblangan har qanday muomalaga layoqatli jismoniy yoki yuridik shaxs.

Hisob/Profil - saytning shunday bo‘limiki, u orqali Buyurtmachi saytda ro‘yxatdan o‘tgandan va/yoki noyob hisob ma’lumotlarini (login va parol kombinatsiyasini) kiritish orqali avtorizatsiyadan o‘tgandan keyingina foydalanishi mumkin bo‘lgan sayt funksiyalarini amalga oshiradi. Hisob Buyurtmachining shaxsiy ma’lumotlarini (shaxsiy ma’lumotlar va hujjatlarni) saqlash, e’lonlar joylashtirish va bildirishnomalar olish uchun mo‘ljallangan.

Shaxsiy hisob - Sayt uchun yagona bo‘lgan Buyurtmachining virtual shaxsiy hisobi bo‘lib, uning Akkauntiga bog‘langan va real vaqt rejimida ushbu Shartnoma bo‘yicha to‘lovlar harakati hamda Buyurtmachining shaxsiy hisobidagi pul mablag‘lari qoldig‘i to‘g‘risidagi ma’lumotlarni aks ettiradi.

Shaxsiy ma’lumotlar - Buyurtmachi Saytda ro‘yxatdan o‘tish paytida va undan keyingi foydalanish jarayonida o‘zi va uchinchi shaxslar haqida mustaqil ravishda taqdim etadigan ma’lumotlar. Bunday ma’lumotlarga, xususan, quyidagilar kiradi: familiya, ism, sharif, tug‘ilgan yil, oy, sana va joy, manzil, oilaviy ahvol, elektron pochta, mobil telefon raqami, sog‘liq holati to‘g‘risidagi ma’lumotlar, shuningdek, boshqa ma’lumotlar, jumladan, bir qator texnik ma’lumotlar: IP-manzil, brauzer tashrif tarixi va boshqalar.

Shaxsiy ma’lumotlarni qayta ishlash - avtomatlashtirish vositalarini qo‘llagan holda yoki bunday vositalarni qo‘llamasdan shaxsiy ma’lumotlarni yig‘ish, tizimlashtirish, saqlash, o‘zgartirish, to‘ldirish, foydalanish, taqdim etish, tarqatish, uzatish, shaxssizlantirish va yo‘q qilish bo‘yicha bir yoki bir nechta harakatlarni amalga oshirish.

E’lon - Sayt ma’lumotlar bazasida saqlanadigan va domtut.uz saytining kompyuter dasturlari yordamida tizimlashtirilgan, ko‘chmas mulk obyektlari haqidagi matnli va grafik axborot materiallarining obyektiv shaklda taqdim etilgan to‘plami bo‘lib, bu materiallarni Foydalanuvchilar kompyuter yordamida topishi va qayta ishlashi mumkin.

Xizmat - Ijrochi tomonidan e’lonning jozibadorligini oshirish maqsadida e’lonni yuqori o‘ringa ko‘tarish va ranglar bilan ajratib ko‘rsatish orqali ko‘rsatiladigan xizmatdir.

Tarif - Ijrochining xizmat narxi bo‘lib, u xizmat ko‘rsatilgan 24 soat uchun 30 000 (o‘ttiz ming) so‘mni tashkil etadi.

Umumiy qoidalar

1.1. Shartnomaga ko‘ra, Ijrochi haq evaziga Buyurtmachiga e’lonning jozibadorligini oshirish va e’lonni ushbu Shartnomada ko‘rsatilgan tarif bo‘yicha rang bilan ajratib ko‘rsatish xizmatini taqdim etish majburiyatini oladi.

1.2. Ushbu Shartnoma shartlarida belgilangan tartibda Tarifga muvofiq xizmat haqini to‘lash ushbu Shartnomaning aksepti hisoblanadi.

1.3. Shartnomaning ushbu shartlari Ijrochi tomonidan istalgan vaqtda, Buyurtmachini bu haqda ogohlantirmasdan o‘zgartirilishi mumkin. Shartnomaning yangi tahriri, agar Shartnoma matnida yangi shartlar kuchga kirishining boshqa sanasi ko‘rsatilmagan bo‘lsa, u Saytga joylashtirilgan paytdan boshlab kuchga kiradi.

1.4. Ijrochi e’longa yoki uning mavqeiga bo‘lgan qiziqishning amalda oshishi sifatida tushunilgan Xizmatlarning samaradorligi uchun javobgar emas.

2. Xizmatni faollashtirish va yopish tartibi

2.1. Buyurtmachi tomonidan tanlangan, Sayt orqali ko‘rsatiladigan xizmatlarni taqdim etishni boshlash uchun ular Saytda faollashtiriladi.

2.2. Xizmatni faollashtirish uchun Buyurtmachi Buyurtmachi tomonidan qabul qilingan tarif bo‘yicha nazarda tutilgan narxning 100% miqdorini to‘lashi lozim.

2.3. Xizmat Ijrochi tomonidan faollashtirilgan paytdan boshlab ko‘rsatilgan hisoblanadi.

2.4. Buyurtmachi hisobvaraq-fakturalarni ular taqdim etilgan kundan boshlab 5 kalendar kun ichida imzolashi yoki shu muddat ichida ularni imzolamaslik uchun asosli rad etishni taqdim etishi shart.

2.5. Ushbu Shartnomaning 2.3-bandida ko‘rsatilgan muddatda hisobvaraq-faktura imzolanmasa, xizmat to‘liq hajmda va tegishli tarzda ko‘rsatilgan deb hisoblanadi, hisobvaraq-faktura esa bir tomonlama tartibda imzolangan deb qaraladi.

3. Xizmatlar uchun to‘lov tartibi

3.1. Buyurtmachi Ijrochining xizmatlari uchun to‘lovni ushbu Shartnomada keltirilgan Tarifga muvofiq amalga oshiradi.

3.2. Xizmat uchun to‘lov Buyurtmachi tomonidan xizmat ko‘rsatish boshlanishidan oldin, Buyurtmachi tomonidan qabul qilingan tarif bo‘yicha nazarda tutilgan narxning 100 foizi miqdorida pul mablag‘larini kiritish orqali amalga oshiriladi.

3.3. Ijrochi tomonidan pul mablag‘lari olingan sana to‘lov amalga oshirilgan vaqt hisoblanadi.

3.4. Buyurtmachi, Ijrochining bank rekvizitlari o‘zgarganda va bu o‘zgarishlar Ijrochi tomonidan Saytda tegishli tarzda e’lon qilingan taqdirda, o‘zi amalga oshirgan to‘lovlarning to‘g‘riligi uchun mustaqil ravishda javobgar bo‘ladi. Ijrochi Buyurtmachi tomonidan Ijrochining eskirgan rekvizitlari bo‘yicha amalga oshirilgan to‘lovlar uchun javobgar bo‘lmaydi.

3.5. Ijrochi amaldagi Tariflar ro‘yxatini bir tomonlama o‘zgartirishga haqli bo‘lib, bu haqda Buyurtmachini o‘zgartirishlar joriy etilishining taxminiy sanasidan 3 (uch) kalendar kun oldin quyidagi tarmoq manzili (domen nomi) bo‘yicha Internet tarmog‘ida e’lon qilish orqali xabardor qiladi: __________________________.

4. Tomonlarning majburiyatlari

4.1. Saytning ishlashini ta’minlash maqsadida Ijrochi Buyurtmachilarni oldindan xabardor qilgan holda profilaktika ishlarini o‘tkazishga haqlidir.

4.2. Ijrochi O‘zbekiston Respublikasi qonunchiligida ko‘zda tutilgan hollar bundan mustasno, O‘zbekiston Respublikasi qonun hujjatlariga muvofiq ko‘rsatilgan ma’lumotlarning maxfiyligini saqlashni kafolatlaydi.

5. Shaxsiy ma’lumotlarni himoya qilish

5.1. Ijrochi O‘zbekiston Respublikasi qonun hujjatlariga qat’iy rioya qilgan holda Buyurtmachining shaxsiy ma’lumotlarini tegishli tarzda himoya qiladi hamda Buyurtmachining shaxsiy ma’lumotlarini himoya qilish uchun zarur va yetarli tashkiliy va texnik choralarni ko‘radi.

5.2. Buyurtmachilar ushbu ommaviy ofertani qabul qilish orqali o‘z shaxsiy ma’lumotlariga ishlov berilishiga rozilik beradilar.

5.3. Shaxsiy ma’lumotlarga ishlov berish O‘zbekiston Respublikasining 2019-yil 7-iyuldagi "Shaxsga doir ma’lumotlar to‘g‘risida"gi O‘RQ-547-sonli Qonuniga qat’iy muvofiq ravishda va faqat ushbu Shartnoma bo‘yicha Buyurtmachiga xizmat ko‘rsatish maqsadida amalga oshiriladi.

6. Tomonlarning javobgarligi

6.1. Ijrochi o‘z aybi bilan bog‘liq bo‘lmagan texnik sabablarga ko‘ra Sayt faoliyatidagi uzilishlar, to‘xtashlar va nuqsonlar uchun javobgar hisoblanmaydi.

6.2. Ijrochi Saytda e’lonlarni joylashtirish va/yoki saytning funksional imkoniyatlaridan foydalanish natijasida Buyurtmachining to‘g‘ridan-to‘g‘ri yoki bilvosita ko‘rgan har qanday yo‘qotishlari yoki zararlari uchun javobgarlikni o‘z zimmasiga olmaydi.

6.3. Ijrochi ko‘rsatilgan xizmat Buyurtmachining kutganlariga mos kelmagan holda, uning subyektiv bahosi uchun javobgar bo‘lmaydi. Bunday kutilmalarga mos kelmaslik va/yoki salbiy subyektiv baholash xizmatlarni sifatsiz yoki kelishilmagan hajmda ko‘rsatilgan deb hisoblash uchun asos bo‘la olmaydi.

6.4. Hech qanday holatda, ushbu Shartnoma bo‘yicha Ijrochining javobgarligi Ijrochiga 1 oy davomida to‘langan pul mablag‘lari miqdoridan oshmasligi lozim.

6.5. Tomonlarning ushbu Shartnoma shartlarida ko‘zda tutilmagan javobgarlik choralari O‘zbekiston Respublikasi Fuqarolik kodeksi bilan tartibga solinadi.

7. Da’volar va nizolarni hal qilish tartibi

7.1. Da’volar va nizolar yuzaga kelgan taqdirda, Tomonlar ularni o‘zaro muzokaralar va yozishmalar orqali tinch yo‘l bilan hal etishga harakat qiladilar. Tomonlar tomonidan da’volarni ko‘rib chiqish muddati da’vo tarafga topshirilgan kundan boshlab 15 (o‘n besh) kunni tashkil etadi. Nizoni da’vo tartibida hal etish imkoniyati bo‘lmagan taqdirda, tomonlar O‘zbekiston Respublikasi qonun hujjatlarida belgilangan tartibda Ijrochi joylashgan hududdagi tegishli sud organiga murojaat qilishga haqlidirlar.

7.2. Ijrochi bitim tarafi emas, balki faqat e’lonlar taxtasi vazifasini bajaradi. Shu sababli, ko‘chmas mulk obyektlari va Saytda joylashtirilgan ma’lumotlar bilan bog‘liq barcha da’volar tegishli tomonga taqdim etilishi lozim.

8. Yakuniy qoidalar

8.1. Ushbu Shartnoma Ijrochi tomonidan istalgan vaqtda o‘zgartirilishi mumkin, shu sababli Buyurtmachiga har hafta ushbu Shartnoma matnining dolzarbligini tekshirish va barcha e’lon qilingan o‘zgarishlarni diqqat bilan o‘qib chiqish majburiyati yuklatiladi.

8.2. Ijrochi ushbu Shartnoma matnidagi o‘zgarishlar haqida Buyurtmachini oldindan xabardor qilish uchun barcha zarur choralarni ko‘radi, xususan, ro‘yxatdan o‘tishda ko‘rsatilgan elektron pochta manzillariga yoki Buyurtmachining shaxsiy kabinetiga axborot xabarlarini yuborish orqali. Shunday bo‘lsa-da, Buyurtmachining ushbu Shartnomani muntazam ravishda ko‘rib chiqish majburiyati ustuvor hisoblanadi va Buyurtmachi tegishli xabarnomani olmaganligi sababli o‘zgarishlarga rozi emasligi to‘g‘risida Ijrochiga e’tiroz bildirish huquqiga ega emas.

8.3. Ushbu ommaviy oferta shartnomasi Buyurtmachi tomonidan qabul qilingan paytdan boshlab kuchga kiradi va Tomonlar o‘z majburiyatlarini to‘liq bajargunlariga qadar amal qiladi.

8.4. Ushbu Shartnoma bilan tartibga solinmagan masalalarga O‘zbekiston Respublikasi qonun hujjatlari normalari qo‘llaniladi.

8.5. Shartnomani bajarish bilan bog‘liq masalalar bo‘yicha "WEBNOW" MChJ joylashgan manzilga murojaat qilishingiz mumkin: Toshkent shahri, Yakkasaroy tumani, A. Qahhor ko‘chasi, 47-uy.

9. Ijrochining rekvizitlari:

Manzil: Toshkent shahri, Yakkasaroy tumani, A. Qahhor ko‘chasi, 47-uy.

Aloqa telefoni: +998712318822

H/r: 2020 8000 1050 2493 6001 TGFda

"ASAKA BANK" Toshkent shahri

MFO: 00416

STIR: 302431618

IFUT: 63110