AURA turar-joy majmuasi

Toshkentdagi Aura turar-joy binosi

“Aura” turar-joy majmuasi – bu o’zaro uyg’unlashgan va yaxlit ko’rinishga ega beshta olti qavatli uydan iborat inshootdir. Comfort qurilish kompaniyasi uni 2020 yilda foydalanishga topshirishni rejalashtirmoqda. Qurilish turi monoloit-karkasli. Devorlari g’ishtdan terilgan, fasad  esa iliq ranglardagi travertindan qilingan.

 Infratuzilma

Majmua Chilonzor tumanining 10-kvartalida joylashgan. Uning yaqinida bolalar bog’chalari, o’rta maktablar, bank, bozor, supermarketlar, dorixonalar joylashgan. Qulay transport yechimi jamoat transportida yoki shaxsiy avtomobilda shaharning istalgan qismiga tezlik bilan yetib olishni ta’minlaydi.

Majmua hududida qiziqarli o’yin konstruktsiyasiga ega bolalar maydonchasi tashkil etiladi. Shinamgina shiyponchalarda aholi ish kunidan keyin dam olishi mumkin. Yozgi oshxonada qarindoshlar, qo’shnilar va do’stlar bilan birgalikda turli xil taomlarni tayyorlash mumkin. Yashil hududda ko’p yillik daraxtlar, butalar, manzarali o’simliklar ekiladi.

Turar-joy majmuasining hovlisi to’siq bilan o’raladi, bu yerda kechayu-kunduz davomida ishlaydigan videokuzatuv tizimi o’rnatiladi. Ichki qo’riqlash xizmati hamda signalizatsiya tizimi xavfsizlikni ta’minlaydi. Podyezdlar domofon va zamonaviy shovqinsiz liftlar bilan jihozlanadi. Avtomobillar uchun shaxsiy to’xtash joyi mo’ljallangan.

“Aura” turar-joy majmuasidagi xonadonlarning narxi

Maydoni 45 dan 86 kvadrat metrgacha bo’lgan bir, ikki, va uch xonali xonadonalar sotuvga qo’yilgan. Ular pardoz ishlarisiz hamda ichki devorlarsiz topshiriladi. Xonadonlar kirish eshiklari hamda Germaniyada ishlab chiqarilgan Rehau deraza romlari bilan jihozlangan. Ular sovuq, shamol va yog’ingarchiliklardan ishonchli himoya qiladi. Uylar muhandislik kommunikatsiyalariga ulangan holda topshiriladi.

Bir kvadrat metr uchun boshlang’ich narx 5 250 000 so’mni tashkil etadi. Batafsil ma’lumotni qurilish kompaniyasining saytidan olish mumkin.