Ducat turar-joy majmuasi

Toshkentdagi Ducat yangi turar-joy binosi

Ducat yangi turar-joy majmuasi zamonaviy texnologiya, yuqori sifatli materiallar, xonadonlarning qulay tuzilishi va rivojlangan infratuzilmani o’zida mujassam etgan inshootdir. Majmua asosi yuqori chidamli Rossiya armaturasidan iborat. Mustahkam monolitli karkas barcha dunyo xavfsizlik standartlari asosida qilingan. U seysmologik barqaror va 9 ballik zilzilaga bardosh beradi. Artifex Group jamoasi nafis va aniq arxitekturali beqiyos uy loyihasini ishlab chiqdi. Inshoot dizayni ravon chiziq va shakllarning geometrik aniqlikdagi simmetriyasini o’zida mujassam etgan. Majmuada 34 ta xonadon bo’lib, ikki podyezdli sakkiz qavatli uydan iboratdir.

Infratuzilma

Ducat turar-joy majmuasi Mirzo Ulug’bek tumani, Oltintepa ko’chasi, 150-uy manzili bo’yicha joylashgan. Tumanning qulay transport qatnovi shahar bo’ylab tez harakatlanish imkonini beradi, Toshkent halqa  avtomobil yo’liga yaqinligi esa avtomobil egalari uchun ajoyib qulaylikdir. Majmua yaqinida ijtimoiy faol hayot uchun barcha zaruriy narsalar bor: supermarket va magazinlar, kafe va restoranlar hamda ta’lim, tibbiyot va sport muassasalari. Qo’shni ko’chada Parkent bozori joylashgan, u yerda nafaqat oziq-ovqat mahsulotlari, balki turar-joyni obodonlashtirish uchun qurilish materiallari ham mavjud.

Majmua hududi ishonchli himoya ostida, shuning uchun bolalarni hovlidagi keng bolalar maydonchasiga xotirjam chiqarish mumkin. Professional qo’riqlash xizmati aholining xavfsizligini ta’minlaydi, kechayu-kunduz davomida ishlaydigan videokuzatuv tizimi majmua hududidagi tartibni nazorat  qiladi. Majmuada yerosti avtorurargohi mavjud, shuning uchun mashinani qayerga qo’yish kerakligi haqida bosh qotirib o’tirilmaydi. Shuningdek, mashinani qishda kir va loy bo’lib ketishi, yozda esa issiqda qolib ketishidan xalos etadi. Podyezdlardagi keng va katta og’irliklarga mo’ljallangan lift, kolyaska hamda nogironlar aravachalarining harakatlanishi uchun panduslar (qiya yo’laklar) va keng xoll har bir aholi uchun shinamlik yaratadi.

Ducat turar-joy majmuasidagi xonadonlarning narxi

Ikki, uch, to’rt va hattoki besh xonali xonadonlar o’z egalarini kutmoqda. Xonadonlar 75 dan 119 kvadrat metrgacha. Shift balandligi 3 metr. Yashash maydonining tuzilishi puxtalik bilan o’ylab chiqilgan, ammo uy sohiblari o’z xohish istaklaridan kelib chiqib, uni o’zgartirishlari mumkin. 8-qavatda mansarda va terrasali kvartiralar joylashgan bo’lib, ularning maydoni 55,8 m² va 42.2m² ni tashkil etadi. Ducat turar-joy majmuasida “Aqlli uy” tizimining bazali komplektatsiyasi o’rnatilishi ko’zda tutilgan, bu narsa kelajakda uy sohiblari uchun kengaytirilgan Smart Home funktsiyalarini o’rnatish imkonini beradi.

Xonadonlarda issiqlik saqlovchi va shovqin o’tkazmaydigan Imzo premium-klass deraza romlari o’rnatilgan. Italiyada ishlab chiqarilgan gazli isitish qozoni aholini issiq suv bilan ta’minlaydi va xonadonlarni isitib beradi. Mustahkam qulf hamda ishonchli furniturali kirish eshiklari yuqori sifatli materiallardan tayyorlangan. Maydoni 76.7 kvadrat metrli ikki xonali kvartiraning narxi 575 250 000 so’mga teng.