Toshkentdagi Parkwood yangi turar-joy binosi

Parkwood turar-joy majmuasi – bu innovatsion yutuqlardan foydalanilgan holda bunyod etilgan zamonaviy inshootdir. Noodatiy arxitektura, texnologik jihozlar, ekologik muhit – bularning barchasi qulaylik va shinamlikni yaratadi.

Majmua poytaxtning Mirobod tumanida Nova Stroy qurilish kompaniyasi tomonidan barpo etilmoqda. U 7-13 qavatli 7 ta binodan iborat. Bloklar har bir xonadonga yorug’lik tushishi va havoning erkin tsirkulyatsiyasini ta’minlaydigan qilib joylashtirilgan. Katta avtomobil yo’lidan ikkinchi liniyada joylashganligi hamda 4,5 metrlik stilobat majmuani chang, chiqindi gazlar va shovqindan himoyalaydi.

Bloklar katta perimetrli ustunlar hamda Rossiya armaturasi bilan mustahkamlangan. Devorlar gazobloklardan qilingan. Binolarning fasadlari maxsus qobiqli material bilan qoplangan va ventilyatsiya tizimi bilan jihozlangan. Fasadning tashqi qismi keramogranit plitalar bilan qoplangan.

Infratuzilma

Majmua shahar markazida , Gospital bozor yaqinida qad rostlagan. Uning yonida maktablar, bolalar bog’chasi, kafe, restoranlar, tibbiyot markazlari, dorixonalar joylashgan. Binolarning birinchi qavatlari tijorat tuzilmalari uchun ajratilgan, bu narsa majmuaning ijtimoiy infratuzilmasini yaxshilashga xizmat qiladi.

Uylarning tomlarida ham funktsional hududlar mavjud. Bu yerda bog’, ochiq kinoteatr, ochiq sport maydonchasi va hattoki jakuzi ham tashkil qilish mumkin. Keng podyezdlar zamonaviy uslubda jihozlangan. U yerda ikkitadan liftlar o’rnatiladi: yo’lovchilar uchun va yuk tashuvchi.

Bolalar uchun o’yin maydonchalari tashkil qilingan. Sport bilan shug’ullanish uchun maxsus yo’laklar ajratilgan. Hordiq chiqarish uchun o’rindiqlar, yashil hudud va ko’kalamzorlashtirilgan fasad aholi uchun qulay sharoitni yaratadi.

Stilobat tagida 350 ta avtomobilni sig’dira oladigan avtoturargoh quriladi. Majmua hovlisi o’ralgan bo’ladi hamda o’t o’chirish va tez yordam mashinalaridan boshqa avtomobillar uchun yopiq bo’ladi. Qo’riqlash xizmati va videokuzatuv kechayu-kunduz ishlab turadi.

Parkwood yangi turar-joy binosidagi xonadonlar

Majmua keng oynavand balkonli ikki, uch, to’rt va besh xonali kvartiralarni taqdim etadi. Tepa qavatlarda panaramik oynali penthauslar bo’ladi. Turar-joylarning maydoni 63 dan 147 kvadrat metrgacha, erkin tuzilishda. Qurilish kompaniyasi shuningdek, xaridorlarga tayyor ta’mirdan chiqqan variantlarni ham taklif qiladi. Markaziy konditsionerlash tizimi har bir xonadonni mikroiqlim bilan ta’minlaydi.

Narxlar haqidagi ma’lumotlarni qurilish kompaniyasidan telefon orqali yoki saytda xabar qoldirib, olish mumkin. Sotuv 2019 yilning 10 dekabridan boshlandi.