Toshkentdagi “Jangokh” yangi turar-joy binosi

“Jangokh” turar-joy majmuasi Genesys developer kompaniyasi tomonidan barpo etilmoqda. U zamonaviy arxitektura yo’nalishi mahalliy uslub bilan uyg’unlashgan 6 ta sakkiz qavatli blokdan iborat. Majmua poytaxtning tarixiy markazidagi arxitektura ansambliga juda mos tushgan. Inshoot  seysmologik barqarorligi, rivojlangan infratuzilmasi va obodonlashtirilgan hududi bilan tavsiflanadi.

Infratuzilma

Jangokh majmuasi Shayxontohur tumani Shayxontohur massivida joylashgan. Katta avtomobil yo’ldan ichkaridagi ikkinchi liniyada qad ko’targan majmua chang va shovqin-surondan himoyalangan. Uning yaqinida soya-salqin bog’, “Gafur G’ulom” metro bekati, bolalar bog’chasi va magazin joylashgan. Majmua hovlisidan Abdulla Qodiriy hamda Sebzor ko’chalaridagi jamoat transportlari bekatiga chiqish mumkin.

Ichki hovli bolalar o’yin maydonchalari va keng avtomobil turar joyi bilan jihozlangan. Mikroiqlimni yaxshilash maqsadida favvora qurilgan hamda ko’kalamzorlashtirish ishlari olib borilmoqda. Majmuaga qarashli hudud o’ralgan, kechayu-kunduz videokuzatuv olib boriladi. Podyezdlarda pardoz ishlari bitkazilgan va zamonaviy lift o’rnatilgan.

“Jangkoh” turar-joy majmuasidagi xonadonlarning narxi

Majmua maydoni 56 dan 151 kv.metrgacha bo’lgan 210 ta xonadondan iborat. Xonadonlar 1-5 xonali. Har bir xonadon barcha kommunikatsiya tizimiga ega: sovuq suv, elektr ta’minoti, gaz, internet, televideniye, telefon aloqa. Bulardan tashqari yog’och qoplamali temirdan yasalgan kirish eshigi, Ekopen plastik oynalari, har bir deraza tagida radiatorlar, suvoq qilinmagan devorlar, qoplamasiz pol, ikki konturli isitish qozoni ham bor. Yashovchilar mavsumiy issiq suv o’chishi muammosidan qiynalmaydilar hamda qish faslida xona haroratini mustaqil ravishda o’zlariga moslab boshqara oladilar.

Majmuadagi xonadonlar kvadrat mertining narxi 8 000 000 – 9 500 000 sum dan boshlanadi. Xonadonlarni ipoteka krediti hamda 50% lik dastlabki to’lov amalga oshirilganda, bo’lib to’lash asosida  xarid qilish imkoni mavjud.