Toshkentdagi Nest One yangi turar-joy binosi
“Nest One” – bu O’zbekistondagi ilk noyob osmono’par turar-joy binosi. Bino barcha dunyo standartlari asosida bunyod etilgan. U 51 qavatdan iborat bo’lib, balandligi 266,5 metrni tashkil etadi. Majmua Murad Buildings hamda uning turkiyalik hamkori Ozguven qurilish kompaniyalari tomonidan barpo qilinmoqda. 2021 yilning dekabr oyida inshootning foydalanishga topshirilishi rejalashtirilmoqda.
Turar-joy majmuasi modern uslubida loyihalashtirilgan. Bino fundamenti 9 ball zilzilaga bardosh beruvchi Barret tizimi asosida qilingan. Uylarning fasad tizimi shamol yo’nalishi bo’yicha o’tkazilgan sinovlar asosida loyilashtirilgan. Yong’in xavfsizlik va ventilyatsiya tizimi ishlab chiqilgan. Shaxsiy boshqaruv kompaniyasi majmuaning kommunal, texnik va maishiy masalalarini hal qiladi.
Nest One dagi xonadonlar va infratuzilma
Mazkur turar-joy majmuasi Mirobod tumani, Botir Zokirov ko’chasida, “Toshkent City” hududida qad rostlagan. Bu bog’i, butiklari, qahvaxonalari, xiyobonlari, bolalar o’yin maydonchalariga ega biznes markazidir. Tepa qavatlardan tog’larning qorli choqqilari, shaharning go’zal landshafti va ko’lning ajoyib manzarasini tomosha qilish mumkin.
Eng kichik xonadonni sotib olgan xaridor ham 5 yulduzli otel darajasidagi shinamlikka ega bo’ladi. Majmua aholisi sog’liqlarini mustahkamlovchi hamda bo’sh vaqtlarini oila davrasida yoki qo’shnilar bilan o’tkazish imkonini beruvchi turli xil hududlardan foydalanishlari mumkin. Bular sport zali, pilates, basseyn, hammom, boks ringi, bilyard, stol tennisi, kinozal, karaoke zali, konferentsiya zali, tadbirlar zali, kutubxona, o’yinlar xonasi, observatoriya va hokazo. Ushbu ulkan uyning aholisi uchun barcha zarur narsalar shundoq yonginasida bo’ladi.
Majmuada maydoni 37-89 kv.m. bo’lgan bir xonalidan tortib, 4 xonaligacha bo’lgan jami 746 ta turar-joy loyihalashtirilgan. Barcha xohlovchilar uchun “aqlli uy” tizimi o’rnatiladi. Uning yordamida uydagi barcha tizimlarni masofadan turib boshqarish mumkin bo’ladi. Majmuada kechayu-kunduz ishlaydigan videokuzatuv kameralari o’rnatiladi, xavfsizlik xizmati ishlaydi.
Turar-joylar sotuvi 2019 yilning senyabr oyidan boshlangan. Qurilish kompaniyasidan batafsil ma’lumot olish uchun saytimizda xabar qoldiring yoki ko’rsatilgan telefon raqamlari orqali murojaat qiling.
