Dizaynda hech qachon urfdan chiqmaydigan 5 ta trend

Dizayn va moda tez oʻzgarib turadi. Uyda bir necha yildan keyin ham zomanga mosligini saqlab qoladigan taʻmirni amalga oshirish oson emas. Ammo dizaynerlarning buni qanday qilish borasida oʻz sirlari bor va biz buni siz bilan boʻlishamiz.

Koʻproq boʻsh joy qoldiring

Ish yoki oʻqishdagi ogʻir kundan keyin siz uyga qaytib, osoyishta muhitda dam olishni xohlaysiz. Agar xona mebel va dekoratsiya bilan toʻldirilgan boʻlsa, bu kayfiyat va ruhiyatga taʻsir qilishi mumkin. Uyda tanamiz va ruhimiz orom oladi, kishi oʻzini xotirjam va erkin his qilishni istaydi. Keng joy har doim urfda boʻladi, uni jihoz va bezaklar bilan ortiqcha toʻldirib yubormang.

Stol - uydagi muhit ramzi

Bugungi kunda barlarda qoʻllaniluvchi stollarga qiziqish ortmoqda, toʻgʻri, ular qulay va ixcham. Lekin hozir urfda boʻlgani bilan keyinchalik interyer uchun eskiradi. Klassik uslubdagi chiroyli ovqatlanish stolini tanlash yaxshiroq, dasturxon atrofida oilangiz va doʻstlaringiz bilan yigʻilish uchun bu eng maqbul variant.

Oppoq rang

Oq rang koʻpincha interyerda zerikarli va juda oddiy tuyuladi, lekin dizaynerlar fikricha, oq rang xuddi oq qogʻoz kabi interyerda yangi, ajoyib gʻoyalarni oʻylab toppish va joriy qilishga turtki beradi. Ushbu rang tufayli  joy keng koʻrinadi va uni qanday toʻldirish borasida koʻplab imkoniyatlar yuzaga keladi. Bu rangdagi xonaga qaysi rangdagi mebel mos kelishi haqida oʻylash shart emas - har qanaqasi toʻgʻri keladi. Va har qanday holatda, devorlarni boshqa rangga boʻyash imkoniyati saqlanib qoladi.

Kiyim javoni

Hech bir uyni kiyim javonisiz tasavvur qilib boʻlmasa kerak. Ular hamma joyda - yotoqxonada, mehmonxona, koridor va hatto oshxonadan joy olishi mumkin. Agar hovli yoki kvartirangiz u qadar kata boʻlmasa, boʻsh joy qoldirish imkoni kamayadi va hatto nafas olishni qiyinlashtiradi. Amerika filmlarida boʻlgani kabi, esda tutingki, bunda alohida kiyinish xonasi ajoyib yechim boʻladi. Alohida ajratilgan joy yoki kichikroq xona barcha kiyimlaringizni toza va tartib bilan saqlashda ayni muddao boʻladi. Yoki devor bilan birlashib ketgan va interyerda umuman ajralib turmaydigan kiyim javonlari ham masalaga yechim boʻladi.

Yashirish mumkin boʻlgan texnologiyalar

Agar siz uyda simlarni umuman koʻrmasangiz, bu puxta oʻylangan dizayndan darak beradi, shunday emasmi? Mutaxassislar maishiy texnika jihozlarini yasalgan javonlar ichiga yashirishni tavsiya qiladilar. Bu tartibsiz simlardan xalos boʻlishga yordam beradi, interyerdagi minimalizm esa har doim urfda qoladi.