Yangi turar-joylar 2021: sifat, kommunikatsiya va bazalt

Davlat rejasi va aniq raqamlar

Qurilish vaziri Botir Zokirov xalqaro press-klub yigʻilishida taʻkidlaganidek, Davlat oldida turar-joy majmualaridagi kvartiralarning narxini pasaytirish, respublika boʻylab 54 ming oilani uy-joy bilan taʻminlash, har yili 100-150 ta yangi binolarni qurish kabi muhim vazifalar turibdi. Rejalar ulkan boʻlsa-da, ularni amalga oshirish mumkin. Buning uchun Oʻzbekistonda qurilish mezonlari va koʻrsatkichlarini yaxshilash nazarda tutilmoqda.

Qulay qurilish materiali bazalt

Maʻlumki, binoni, ayniqsa turar-joyni qurishdan oldin, nafaqat xarajatlarni hisoblash, balki zaruriy qurilish materiallarini tanlash ham kerak boʻladi. Bu safar tanlov bazalt armaturasida toʻxtaldi. U pishiqligi va yengilligi bilan poʻlat karkaslardan hech kam emas, lekin narxi arzonroq.

Asosiy afzalliklari:

• Bazalt odatiy metall chiviqlarga qaraganda bosimlarga 3 barobar yaxshiroq bardosh beradi;
• Material ob-havo sharoitlariga juda chidamli va korroziyadan “qoʻrqmaydi”. Bu, ayniqsa, nam va shoʻrlangan tuproqlarda muhim ahamiyatga ega;
• Haroratning oʻzgarishiga bardoshli, -70 dan +100 darajagacha;
• Kichik diametrli armaturani tashish oson;
• Betonga yaxshi ilashadi va payvandlashni talab qilmaydi;
• Bazalt paxtasi issiqlikni yaxshi saqlaydi.

Shu va boshqa afzalliklari uchun professional quruvchilar kelajakdagi qurilish loyihalarida aynan mazkur qurilish materialini tanladilar, chunki zamonaviy qurilish sanoati hech qachon bir joyda toʻxtamaydi, aksincha tendensiyalarga monand qadam tashlashga intiladi.

Bundan tashqari, anʻanaviy gʻisht tayyorlash xomashyosini alyuminiy oksidi bilan almashtirish rejalashtirilgan, bu esa ancha tejamli. Tuproqli jinslar shakl berishga boʻysunuvchan boʻlib, pishirish paytida pishiqlik va qattiqlik hosil qiladi.

Tez orada butun respublika boʻylab mahalliy xomashyodan foydalangan holda gazbeton gʻisht ishlab chiqaradigan zavodlarni qurishga kirishiladi.

Shuningdek, zilzilaga chidamli sendvich-panellardan foydalanish toʻgʻri boʻladi, natijada zilzila sodir boʻlganda aholi xavfsizligini taʻminlash bir necha barobar oshiriladi.

Yangi binolarning sifatini oshirish

4-5 yil davomida davlat turar-joylarni qurish sohasida katta yutuqlarga erishdi. “Binokor” uy-joy qurilish kombinati bosh direktori Stanislav Shmelev taʻkidlaganidek, “Biz Oʻzbekistonda innovatsion uy-joy qurilishini yaratdik, bu esa barcha xavfsizlik va sifat koʻrsatkichlariga javob beradigan zamonaviy majmualar qurish imkonini beradi”.

2020-yilning oʻzida Oʻzbekiston boʻylab 18 ming oila yangi xonadon kalitiga ega boʻldi, bu 14 million kvadrat metr maydon degani!

Koʻp sonli qurilishlarning paydo boʻlishi ekspluatatsiya sifati uchun masʻuliyatni oshiradi. Shu munosabat bilan arxitektura-qurilish nazoratini olib boorish boʻyicha qurilish inspeksiyasi faoliyati tashkil etildi.

“Oʻrnatilgan qoida va meʼyorlarga rioya qilinmagan taqdirda, biz qurilishni xatoliklar tuzatilmagunga qadar toʻxtatamiz”, — dedi Davlat inspeksiyasi boshligʻi Kozim Toʻlaganov.

Shu bilan birga, binolarning davlat standartlariga muvofiqligini nazorat qiluvchi maxsus laboratoriya va jihozlar oʻrnatildi. Maxsus oʻqitilgan inspektorlar obyektlarni sertifikatlashtirishni amalga oshiradilar.

Ayni damda ixtisoslashgan kadrlar yetishmasligi ustida ishlar olib borilmoqda. Shu sabab mutaxassislar nazariya va amaliyot uchun sharoit yaratilgan ish joyining oʻzida tayyorlanadilar. Ochiq oʻquv-ishlab chiqarish korxonasida kadrlar UQK bazasida 8 ta yoʻnalish boʻyicha oʻqiydilar.

Tarmoq va kommunikatsiya muammolarini hal qilish

Turar-joy majmualarini qurish infratuzilmani yaxshilashni talab qiladi. Agar ilgari kanalizatsiya quvurlari yiliga 100 km.gacha yotqizilgan boʻlsa, hozir bu miqdor yiliga 4-5 km.ni tashkil etadi.

Yer osti kommunikatsiya va suv taʻminoti tizimini kengaytirish zarurati mavjud. Hozirda 45 ming xonadon ##### muhtoj. Uy-joy kommunal xizmat koʻrsatish vaziri Sherzod Hidoyatovning taʻkidlashicha, bu masala yechimini topmoqda.