Ikkilamchi bozordan olingan uyni kapital taʻmirlash

Kvartiraning chiroyli taʻmirlanganligi va umumiy holati unda yashashdan olinadigan asosiy taassurot va hissiyotlar zamirini tashkel etadi. Koʻp hollarda ikkilamchi bozordan olingan kvartirani taʻmirlashga tayyorlash va barcha holatlarini toʻliq tekshirib chiqishni talab etadi. Ushbu maqolada taʻmirlashni boshlashda taʻmirlash jarayonining oʻzi, unga toʻgʻri yondashuv va foydali maslahatlar bilan boʻlishamiz.

Avvalo taʻkidlash kerakki, taʻmirlashda eʻtiborga olinishi kerak boʻlgan baʻzi bandlar mavjud, masalan:

• Polni demontaj qilish juda ehtiyotkorlik bilan amalga oshirilishi kerak, poydevorga zarar bermaslik muhim. Polning asosi mustahkam boʻlishi va yangi taʻmirga bardosh bera olishi kerak. Chidamliligini tekshirish uchun odatda polga mix qoqib yoki buragich (otvyortka) tiqib koʻriladi. Chuqur tirnalishlar paydo boʻlsa yoki asosi uvalib ketsa – polni oʻzgartirishga toʻgʻri keladi. Agar asosning holati tekshirilmasa, yaqin kelajakda uni oʻzgartirish kerak boʻlishi mumkin. Bu yangi taʻmirni demontaj qilish va uni almashtirish uchun keyingi xarajatlarni anglatadi.
• Har qanday kapital taʻmirlashda koʻtargichlar, quvurlar, elektr simlari va kommunikatsiyalarni oʻzgartirish maqsadga muvofiqdir.
• Notekis devorlarni har doim ham 90 °darajaga keltirish shart emas. Santexnika tarmoqlari joylashgan joylar, oshxonada va devor mebellari boʻlgan xonalarda devorlar tekis boʻlishiga ahamiyat qaratgan maʻqul. Boshqa devorlarni boʻrttirma fon rasmi yoki maxsus dizayn tanlash orqali ham vizual tarzda “toʻgʻirlash” mumkin.
• Eski shift har doim ham toʻliq demontaj qilinmaydi. Baʻzan eski asosni boʻyash yoki yangilash kifoya. Baʻzi mijozlar taʻmirlanishi arzonligi va simlarni oʻtkazish qulayligi tufayli shiftni “pastlatish”ni soʻraydilar. Ammo mablagʻ yetarli boʻlsa, eskishiftni yangilash yaxshiroq, chunki qoʻshnilardan suv oqsa, “pastlangan” shift ##### bardosh berolmasligi mumkin.

Xaridorlar turli tashkilotlarga, turli pudratchilarga murojaat qilishadi. Bu taʻmirlashni osonroq amalga oshirish uchun qilinadi, shuningdek, taʻmirlashning belgilangan miqdori qayd etilgan shartnoma ham vaqti kelganda foyda beradi. Shartnoma ishlatiladigan qurilish mollari narxi koʻtarilganda qoʻshimcha xarajatlarga pul toʻlashni bartaraf etadi. Bir nechta pudratchilarning xizmatidan foydalanganda - koʻpincha bu tushunmovchilik va kechikishlarga olib keladi va oxir-oqibat tugallash muddatining buzilishiga sabab boʻladi. Munozarada pudratchilar javobgarlikni bir-biriga oʻtkazadilar. Shuning uchun pudratchini tanlashda u kompleks ishlarni bajarish imkoniyatiga eʻtibor berish kerak.

Kapital taʻmirlashda yuqorida keltiriulgan har bir band – bu alohida mavzu. Yangi maqolalar chiqishini oʻtkazib yubormaslik uchun bizning blogimizga tashrif buyurishni unutmang va maqolalar davomini kuting