Quruvchi tashkilotni toʻgʻri tanlang!

Koʻchmas mulkni oldi-sotdisi boʻyicha qonunchilik takomillashgani sayin, kvartiralarni xarid qilish xavfsizroq boʻlib bormoqda. Biroq ehtiyotkorlik zarar qilmaydi.

Firibgarlar qanday “ishlaydi”

“Bir kunlik” quruvchilar borki, ularning ishlash tartibi goʻyo boshqalarniki bilan bir xil. Bunday tashkilotlar Yandex va Google kabi Internet qidiruv tizimlarida kamroq faol, deb oʻylasak adashamiz. Ular iloji boricha koʻproq eʻtiborni jalb qilishga harakat qilishadi. Agar ular ommaviy axborot vositalarida juda faol boʻlsa, bu ularga mashhurlik keltiradi va mijozlar oqimini kafolatlaydi. Internetda yuqori faollik va oʻzi haqida ijobiy fikr-mulohazalarni aks ettirish unchalik qiyin emas, bir nechta algoritmlarni bilish kifoya.

Halol quruvchilarni izlashdagi tuzoqlar

Yana bir holat bor – baʻzilar ijtimoiy tarmoqdagi quruvchilar haqidagi maʻlumotlarga ishonishdan bosh tortadilar va “tanishlar” orqali qidiradilar. Ammo shu yerda ham mijozlarni jalb qilishdan oladigan ulush evaziga ishlaydigan manfaatdor shaxslar guruhi topiladi. Muddatni belgilashda ham chalkashliklar mavjud. Ishni tugatish va loyihani topshirish oʻrtasidagi farq sezilarli darajada boʻladi, eʻtiborsizlikning oqibati qimmatga tushishi aniq. Shartnomani imzolashda buyurtmachi muhim oʻrinlarni sezmasligi mumkin. Natijada, ish yillar davomida choʻzilib ketadi, ammo hamma narsa qonuniy. Va yana bir muhim nuqta. Baʻzi xaridorlar bozor narxlaridan past boʻlgan juda arzon narxlarda “uchadilar”, buni turar-joy majmuasi markazdan uzoqda joylashgani, kvartiraning taʻmiri tugallanmagani, kommunikatsiyalar toʻliq amalga oshirilmagani va hokazolar bilan oqlashga urinadi. Biroq bu qisqa muddatli natijalar uchun tezkor oʻyin boʻlishi mumkin. Qanchalik arzon boʻlsa, daromad shunchalik tez keladi. 80% hollarda bunday quruvchi tashkilotlar uyni topshirishni kechiktiradilar yoki tezda gʻoyib boʻladilar.

Shunday qilib, quruvchi tashkilotni qanday tanlash kerak

• Ularga bogʻliq saytlarni diqqat bilan tekshiring, ularning ishlari haqida yozilgan sharhlar va OAV materiallarini oʻrganib chiqing;
• Ushbu turar-joy majmuasidagi kvartiralarni xarid qilganlardan fikrlarini soʻrang;
• Tajribali rieltorlar bilan maslahatlashing, tanlashda nimalarga eʻtibor berish kerakligi yoki ular maʻlum bir quruvchi tashkilot  haqida nimalarni bilishini soʻrang;
• Hujjatlarni tekshiring: loyiha deklaratsiyasi, qoʻshimcha maʻlumotlar, yangi qurilish haqidagi barcha ma’lumotlar;
• Oʻzaro aloqa shaklini aniqlashtiring: qanday shartnomani imzolash, uning shartlari, talablari qanday;
• Saytiga eʻtibor bering. Agar u koʻp sahifali boʻlsa, unda kontaktlar, sharhlar, real loyihalarning fotosuratlari, qurilishning borishi, qaysi banklar bilan hamkorlik qilishi haqida batafsil maʻlumot joy olgan boʻlishi mumkin;
• Loyiha haqida ikir-chikirigacha soʻrashdan qoʻrqmang. Bu sizning pulingiz, vaqtingiz va asablaringiz degani-ku!