Yangi qurilgan uyda taʻmirlash narxi nimaga bogʻliq?

Yangi qurilgan uyda taʻmirlash narxi nimaga bogʻliq?

Yangi majmuadan uy sotib olish – xonadon sohibini keng qamrovli taʻmirlash ishlari kutayotganligini anglatadi. Ishni rejalashtirish xarajatlar miqdorini aniqlash, taʻmir uchun zarur mahsulotlar va ustalar xizmatini hisob-kitob qilishdan boshlanadi. Qanday qilib koʻp xarajatga tushmaslik va bor mablagʻ bilan uyni bekam-u koʻst holatga keltirish mumkin?

Ta’mirlash xarajatlari nimaga bogʻliq

Taxminiy narx kvartiraning umumiy maydoniga qarab belgilanadi. U qanchalik katta boʻlsa, mutaxassislarning xizmati va qurilish materiallariga ketadigan xarajat shuncha baland boʻladi. Shuningdek, qanday taʻmirlanishini xohlayotganingizni ham belgilab olishingiz kerak. Moliyaviy jihatdan “kosmetik” (yengil) taʻmir arzonga tushadi. Qimmat boʻlmagan qurilish materiallari va ozroq qoʻshimcha bezak har qanday uyni shinam holatga keltirishi mumkin.

Shunisi eʻtiborga loyiqki, yashash joyining dastlabki holati ishning narxiga va davomiyligiga taʻsir qiladi. Agar siz erkin tuzilishli kvartira sotib olgan boʻlsangiz, unda xona ichki devorlari va simlarni oʻrnatish, shift, devor kabilarni tekislash uchun mablagʻ ajratishingizga toʻgʻri keladi. Biroq agar xomaki taʻmir mavjud boʻlsa, baʻzi qimmat xizmatlar talab qilinmaydi.

Narxlarni hisoblashda quyidagilar ham inobatga olinadi:

• Yuqori qavatlarga ishlaydigan liftlarning mavjudligi, agar kvartirangiz oxirgi qavatda boʻlsa, qurilish chiqindilarini chiqarish imkoniyatining borligi;
• Zamonaviy yoki murakkab texnologiyalarning qoʻllanilishi;
• Uy tuzilishini qayta rejalashtirish;
• Tugatish muddatini tezlashtirish.

Xarajatlarni mustaqil hisoblab chiqish mumkinmi?

• Saytlardagi qurilish kalkulyatorlaridan foydalanish;
• Umumiy maydonni va taʻmirlash ishlarini, jumladan xomaki materiallar va ishchilarning xizmatlarini hisoblash;
• Oʻlchovchi mutaxassisdan keyin shaxsan hisoblab chiqish.

Eng yaxshi yechim - pudratchiga ishonish

Bunday mutaxassis kvartira egasining xohish-istaklarini inobatga oladi, narx boʻyicha eng maqbul tanlovni aytib beradi, qaysi taʻmirlash materiallarini tanlash kerakligini maslahat beradi.