Oʻzbekiston quruvchilar assotsiatsiyasi tashkil etildi

2021-yil fevral, Toshkent.

Qurilish sohasini yanada takomillashtirish maqsadida Oʻzbekiston Respublikasi Prezidenti tomonidan “2021-2025-yillarda Oʻzbekiston Respublikasi qurilish tarmogʻini modernizatsiya qilish, jadal va innovatsion rivojlantirish strategiyasi” tasdiqlandi. Mazkur hujjat 2025-yilgacha qurilish sohasini rivojlantirish va modernizatsiya qilishning asosiy yoʻnalishlarini belgilab beradi. Xususan, arxitektura va qurilish sohasida NNTlarning rolini oshirish qayd etildi. Yangi mexanizmlarni shakllantirish muhimligini, shuningdek, ushbu sohani izchil rivojlantirish zarurligini hisobga olgan holda Oʻzbekiston Respublikasining yetakchi qurilish tashkilotlari (Developers) davlat va quruvchilar oʻrtasida koʻprik vazifasini oʻtaydigan,  shuningdek, qurilish sohasini rivojlantirish va xorijiy standartlarni joriy qilish bilan shugʻullanadigan tashkilotni yaratish uchun birlashdilar.

2020-yil 11-dekabrda Oʻzbekiston Respublikasi Adliya vazirligi tomonidan daromad olish maqsadini koʻzlamaydigan va qurilish sohasida faoliyat yurituvchi yuridik shaxslarni ixtiyoriy asosda birlashtiradigan notijorat tashkilot – Oʻzbekiston quruvchilar assotsiatsiyasi davlat roʻyxatidan oʻtkazildi.

Assotsiatsiyaning asosiy maqsad va vazifalari:

• qurilish sohasini rivojlantirishda davlat organlariga har tomonlama koʻmak koʻrsatish;
• 1Assotsiatsiyaning tashkil etilishi

“Bu sohani yanada rivojlantirish yoʻlidagi zaruriy qadamdir. Qurilish tarmogʻining jadal oʻsishi va qonunchilikdagi oʻzgarishlar bizga qurilish jarayonlarining shaffofligini oshiradigan, qurilish tashkilotlarini birlashtiradigan, hokimiyat va koʻchmas mulk xaridorlari bilan ikki tomonlama muloqotni yoʻlga qoʻyadigan professional tashkilot kerakligini koʻrsatdi. Assotsiatsiya oʻz vakolatlari doirasida Oʻzbekistonning jahon hamjamiyatiga integratsiyalashuvini jadallashtirish boʻyicha zarur choralarni koʻradi. Natijada qurilish tashkilotlari oʻz faoliyatiga xalqaro qoidalar va standartlarni bosqichma-bosqich joriy qila boshlaydi. Ushbu tashkilot davlat va quruvchilar oʻrtasida mustahkam koʻprik boʻlishiga katta umid bildiramiz”, — dedi Oʻzbekiston quruvchilar assotsiatsiyasi raisi Mansurjon Niyozmuhamedov.

Tashkilot byudjeti aʼzolik va ixtiyoriy badallar, aʼzolardan tushadigan mablagʻlar, grant va subsidiyalar, shuningdek, qonun hujjatlarida taqiqlanmagan boshqa manbalar hisobidan shakllantiriladi.

Ayni paytda “Far Flung Invest”, “First Developing Group” (FDG), “Murad Buildings”, “Nazarov Rakhimbayev Group” (NRG), “Perspective Building” (Novastroy), “Power Construction Planet” (Discover Invest) kabi quruvchi kompaniyalar Oʻzbekiston quruvchilar assotsiatsiyasi tarkibiga qoʻshilgan.