O‘zbekistonda bir kvadrat metr uy-joy narxi 4 million so‘mdan oshmaydi

Narxning pasayishi arzon qurilish mollari  hisobiga amalga oshiriladi.

Oʻzbekistonda ipoteka bozorini rivojlantirish va aholi turmush sharoitini yaxshilash masalalariga bagʻishlangan videoselektorda Prezident Shavkat Mirziyoyev tomonidan tegishli qarorlar qabul qildi.

 Kvartiralarning narxi

Qarorga koʻra, endilikda barcha tuman va shahar hokimlari oldiga yaqin vaqt ichida arzon qurilish materiallarini ulgurji ishlab chiqaruvchilar bilan hamkorlik va yetkazib berish xizmatini yoʻlga qoʻyish hisobiga uy-joy narxini metrini 4 mln soʻmgacha tushirish vazifasi qoʻyildi. Gazbeton bloklarni ishlab chiqish joylarda tashkil etilib, bu bilan “Oʻzstandart” agentligi shugʻullanadi, u barcha hududlarda blok ishlab chiqarish monitoringini olib boradi va mahsulotlarni sertifikatlashtiradi.

Ipoteka va imtiyozlar

Davlatimiz rahbari taʼkidlaganidek, joriy yildan boshlab ipoteka toʻlovlarini toʻlashda murakkabliklar yuzaga kelmaydi va bu masalani takomillashtirish boʻyicha qoʻshimcha gʻoyalar faqat maʼqullanadi. Kreditlar yakka tartibdagi turar-joy binolarini qurish va rekonstruksiya qilish uchun 20 yil muddatga ajratiladi. Buning uchun Moliya vazirligiga har bir tumanga oilaviy birlik hisobi bilan foizlarning bir qismini qoplash uchun 1,5 trl soʻm ajratish topshirildi. Buning sharofati bilan kam taʻminlangan oilalar ipoteka krediti uchun 6 oylik davlat imtiyozlaridan foydalanishlari mumkin boʻladi. Shuningdek, daromadi past oilalar uchun birinchi toʻlovning 10 %i miqdorida subsidiya toʻlanadi. Shunday qilib, ular umumiy boshlangʻich ipoteka toʻlovining atigi 5 %ini toʻlashlari lozim boʻladi. Bundan tashqari, pandemiya davrida qurilish kompaniyalariga ajratilgan imtiyozlar 2021-yilgacha uzaytirilishi qayd etildi.