Tijoriy ko‘chmas mulk nima?

Tijoriy ko‘chmas mulk – dunyodagi eng talabgor mulk toifalaridan biri. U ofis, do‘kon, ombor, ishlab chiqarish binolari kabi yirik obyektlar doirasidan iborat. Tijoriy ko‘chmas mulk bozoridagi asosiy o‘yinchilar sarmoyadorlar, ijaraga beruvchilar va ijarachilar hisoblanadi.

Tanlovda nimaga ahamiyat berish kerak?

Rentabellik – bu daromad keltira olish xususiyati.

Boshqa katta shaharlardagi kabi Toshkentda ham biznes binolari qimmat va talabgorlar hisoblanadi. Ularni sotish, ijaraga berish va xarid qilish – nafaqat manfaatli sarmoya, balki tadbirkor va biznesmenlar uchun o‘z faoliyatini boshlash yoki kengaytirish uchun imkoniyat hamdir.

Rentabellik obyekt turi va joylashuviga ko‘ra o‘zgarib turadi. Masalan, shahar markazidagi va serqatnov ko‘chadagi binoning ijara narxi uzoq tumanlardagi obyektlarga nisbatan doimo yuqori bo‘lgan. Biroq, masofasi uzoq bo‘lgan bunday binolar arzonligi tufayli xaridorlarni hamisha o‘ziga jalb qilib kelgan.

Hudud tanlayotganda har xil turdagi obyektlarga bo‘lgan talabni inobatga oling. Masalan, hududdagi faoliyatning o‘ziga xos xususiyatlariga ko‘ra, Toshkentda ombor yoki chakana savdo binolariga nisbatan ofis binolariga bo‘lgan talab yuqori.

Toshkentdagi ko‘chmas mulk binolari rentabelligiga ta’sir qiluvchi omillardan yana biri – bu obyektni qurish va unga xizmat ko‘rsatishga ketadigan sarfl-xarajatlar. Masalan, agar bino ta’mirtalab bo‘lsa, bu uning qiymatiga ta’sir ko‘rsatadi va qo‘shimcha xarajatlarni talab etadi.

Amalga oshirish

Yashash uchun mo‘ljallanmagan binolarda quyidagicha amalga oshirish usullari mavjud:

1. Shaxsiy foydalanish

Bino egasi undan shaxsiy biznesi uchun foydalanishi mumkin.

2. Ijaraga berish

Binoni ijaraga berish biznes amaliyotida keng tarqalgan bo‘lib, doimiy daromad olish imkoniyati hisoblanadi. Tadbirkorlar shaxsiy faoliyati uchun binoni ijaraga oladilar. Bu xarid qilish imkoniyati bo‘lmagan yoki uzoq vaqt bir joyda mixlanib qolishni istamaydigan biznesmenlar uchun manfaatli taklif hisoblanadi.

To‘g‘ri tanlov va oqilona foydalanish orqali ijara daromadni rivojlantirish va oshirishning samarali vositasiga aylanadi.

3. Sotish

Agar bino daromad keltirmayotgan bo‘lsa yoki egasiga zudlik bilan pul zarurati tug‘ilsa, u holda o‘z mulkini istagan vaqtida sotishi mumkin.

Toshketda tijoriy ko‘chmas mulk sotuvi – bu uzoq vaqt va mehnat talab etadigan jarayon bo‘lib, malakali yondashuv  va ikir-chikirlargacha e’tiborli bo‘lishni talab etadi. Biroq, to‘g‘ri tayyorlangan va amalga oshirilgan bitim sezilarli foyda va katta daromad keltiradi.

2023-yilda tijoriy ko‘chmas mulk sotib olsa bo‘ladimi?

Toshkentdan tijoriy ko‘chmas mulk sotib olishni uzoq muddatli va barqaror daromad manbaini qidirayotganlar uchun munosib sarmoyaviy istiqbol deb atash mumkin. Bunday mulk turi tezda samara beradi va daromadli hisoblanadi.

O‘zbekistondagi ko‘chmas mulk bozori iqtisodiyotning muhim sektori bo‘lib, sarmoya kiritish va rivojlanish uchun salmoqli salohiyatga egadir.