Uyni yorug‘roq qilish siri: dizaynerlik hiylalari

Xonadonga qanday qilib yorug‘lik qo‘shish mumkin – mutaxassislar maslahati

Deraza ostidagi quyuq daraxtlar, omadsiz rejalashtirish, oynalangan balkon uyingizni g‘orga aylantirib qo‘yishi hech gap emas. Asosan, bu muammoga birinchi va ikkinchi qavatda turuvchilar to‘qnash keladi. Uyni yorug‘roq qilish mumkinmi? Quyida shu haqda o‘qing.

Pardozlash materiallari

Qorong‘i xonadonlarda devor, shift va pol uchun och dizayn tanlash juda muhim. Bu o‘rinda och jigar rang, moviy va shaftoli rangni mukammal ranglar desa bo‘ladi. Devorlar uchun ham och tuslar mos tushadi. Oq rang yotoqxona dizayni uchun eng maqbul yechim hisoblanadi. Biroq shimolga qaragan derazalarni butunlay oqqa bo‘yamagan ma’qul. Kuchsiz quyosh nurida tashqi yuza kulrang tusga kiradi va xona shinamligini yo‘qotadi. Och shift va devorlar lampa yorug‘ligini aks ettirib, joyni kengaytirib ko‘rsatadi. Paydo bo‘luvchi aks xonani yanada kattaroq ko‘rsatishi uchun bo‘yoqqa yaltiroq zar qo‘shish mumkin.

Mebel

U og‘ir va yirik bo‘lmasligi lozim. Nafis mebellar yorug‘ xonadonga yanada shinamlik baxsh etadi. Agar xona och tuslarda pardozlangan bo‘lsa, kursini to‘q anor ranglisini olishingiz mumkin, bu nafis ranglar bilan chinakam uyg‘unlik kasb etadi. Xonadagi yorqin “dog‘”lar xalaqit qilmaydi, aksincha interyerni to‘ldiradi. Javon fasadlarini byumlar gabaritidan nigohlarni chalg‘itish uchun och rangdagilarini tanlang.

Aksessuarlar

Kayfiyat va dizayn uchun bezak va detallarni “yaltirash” tonida tanlang. Osmon va dengiz rangi cheksiz kenglik tasavvurini uyg‘otadi, shu sabab ayni ruhdagi surat, statuetka yoki yostiqlarga e’tibor qarating.