Uydagi dori qutisini ko‘rib chiqamiz

Dam olish kunlari uchun reja: uydagi dori qutisini ko‘rib chiqish

Har birimiz sog‘lig‘imizga qayg‘uramiz va o‘zimizning dori qutimizni kuzatib boramiz. Har doim qo‘l ostida zaruriy dori-darmonlar bo‘lishi kerak. Pandemiya sharoitida o‘zimizni yanada ko‘proq asrashimiz lozim.

Birinchi bosqich – muddati o‘tgan barchasidan xalos bo‘lish

Muddati o‘tgan dorilar – eng yomoni. Ularni tokchalarda saqlash va keyinroqqa surishdan ma’no yo‘q. Hatto agar ularning muddati yozilmagan bo‘lsa-da, “abadiy” tabletkaning o‘zi yo‘q. Aslini olganda, uy bekalari zelyonka yoki yodni pufaklarda suyuqlik qolmaguncha tashlab yuborishmaydi. Holbuki, ularning amal qilish vaqti 2-3 yilni tashkil etadi. Ularni yangisiga almashtiring, shundan so‘ng salomatligingizdan xavotir olmasangiz ham bo‘ladi.

Ikkinchi bosqich – hammasini tartib bilan joylashtirish

Keraksiz dorilardan to‘la xalos bo‘lgach, qolganini tartib bilan joylashtirish qoladi. Agar biror muayyan dori zudlik bilan kerak bo‘lib qolsa, siz uni yumuq ko‘zlar bilan ham qutichadan topa olasiz. Har bir oilada o‘zining tibbiy vositalar borasida mantiqiy taqsimoti bor. Uydagi dori qutisi qulay va amaliy bo‘lishi zarur.

Uchinchi bosqich – dori-darmonlarni uyda saqlash qoidalari

• Preparatlarni bir nechta qutilar va organayzerlar bo‘yicha taqsimlang, boisi bitta katta qutida aralash-quralash bo‘lib ketishi mumkin. Agar kattasini tanlagan bo‘lsangiz, ajratib turuvchi narsalarni ishlating;
• Muzxonada hammasini birvarakayiga saqlamang. Sovuq harorat ba’zi dorilarga kerak xolos;
• Rangi, hidi chiqadigan, uchib ketadigan vositalarni boshqalardan alohida saqlang;
• Kapsula va tabletkalarni qadog‘ida saqlang. Unda eng muhim ma’lumot mavjud: nomi, chiqqan sanasi va yaroqlilik muddati;
• Dori qutisidagi ayrim preparatlar ochilganidan so‘ng yaroqlilik muddatini tugata boshlaydi. Etiketka yoki qadog‘ida u ochilgan sanani yozib qo‘ying.

To‘rtinchi bosqich – uydagi dori qutisi uchun preparatlar ro‘yxatini tuzamiz

Oddiy maslahatlarga amal qilib, siz mukammal dori qutisiga ega bo‘lasiz. Eng zaruriy dori-darmonlar ro‘yxatini oldindan tuzing:

• Og‘riq qoldiruvchi;
• Shamollash va grippga qarshi preparatlar;
• Antiseptiklar;
• Bog‘lovchi materiallar (bintlar, leykoplastirlar);
• Baxillalar;
• Isitma tushuruvchi vositalar;
• Spazmolitiklar;
• Yara bitiruvchi dori-darmonlar.

O‘zingiz va yaqinlaringizni asrang!