Masofadan turib ishlashni samarali qilish mumkinmi?

0
0
Masofadan turib ishlashni samarali qilish mumkinmi?

Kimdir 10 yildan buyon masofadan turib ishlaydi, kimdir esa buni endi boshladi. Har ne bo‘lganda ham, bu maqola ham u, ham bu mutaxassislar uchun foydali bo‘ladi.

Ishbop muhitni yarating

Bu qanchalar oddiy tuyulmasin, biz uchun zarur. Oshxona stoli yoki vaqtinchalik joy jangovar kayfiyatga to‘g‘ri kelmaydi. Sizni chalg‘ituvchi narsalar ko‘p bo‘ladi. O‘z vazifalaringizga diqqatni qaratadigan va sizga hech kim xalaqit bermaydigan joyni tanlang.

Tartibni belgilang

Bir vaqtda turing;

Yuvining, nonushta qiling va tegishlicha kiyinib oling (tungi libos yaramaydi);

O‘rtada tanaffuslar qiling (tez-tez emas, albatta).

Aniq qoidalarni ishlab chiqing

Internetdagi faoliyat uyda sizni bolalar, qarindoshlar chalg‘itishi mumkinligini anglatadi. Buni ular bilan muhokama qilib oling va muayyan soatlarda sizni bezovta qilmaslik, eshik yopiq bo‘lsa, xalaqit bermaslik yoki loaqal taqillatish kerakligini tushuntiring. Uyingizdagilar sizni tushungani va yangi qoidalarni qabul qilganligiga ishonch hosil qiling.

Odamlar bilan muloqot qiling

Bu o‘rinda ikki holat mavjud:

Ofisdagi muhit sizni doim sergak bo‘lishga undaydi. Muntazam uchrashuvlar, muzokaralar va konferensiyalar diqqatni jamlashingizga yordam beradi. Uydan turib ishlash ko‘proq yengillik beradi, bo‘shashtiradi. Buni chetlab o‘tish uchun Zoom orqali rahbar yoki hamkasblaringiz bilan muhim masalalar yuzasidan bog‘lanib turing.

Doim uy ichida bo‘lish sizni zeriktirishi mumkin. Masofadan ishlovchilarda kompyuterdan tashqarida ham hayot borligini unutib qo‘yar darajada kunu tun ishlab yuborish “xavfi” bor. Do‘stlaringiz bilan suhbatlashing. Yaqinlaringiz va qadrdonlaringizga e’tibor qarating. Bu vaqti-vaqti bilan chalg‘ish va yengillashishga yordam beradi. Biroq oshirib yubormang.

Va nihoyasiga, videoaloqa uchun eng yaxshi ilovalar

  • Zoom;
  • WhatsApp;
  • Meet;
  • Skype;

• Google Hangouts va boshqalar

Maqola foydali bo'ldimi?
Bor