Kvartira uchun ommabop uslublar

Urfdagi yoʻnalishlar har doim zamon bilan hamnafas boʻlib kelgan va har yili bu yoʻnalishlar oʻzgarib, yangiliklar jorit etiladi. Insonda asosiy taassurot va his-tuygʻularni, ayniqsa, qulaylik, osoyishtalik hissini  kvartiraning dizayni hosil qiladi. Kvartira koʻrinishini shakllantirishda turli mamlakatlarning madaniyati, tarixiy davrlardagi tendensiyalar ilhom manbai boʻlib xizmat qiladi. Maqolaning ushbu qismida biz eng soʻnggi va ommabop uslublar haqida soʻz yuritamiz.

Minimalizm

Minimalizm – kichkina kvartiralar uchun eng mos uslublardan biri. Bu interyerning soddaligi, ochiq ranglarning koʻpligi, bitta rang gammasi va mebelda yogʻoch elementlardan foydalanish natijasida maydonni vizual kattalashtirishi sabab mos keladi. Yashirin javonlar, modulli mebel boʻlmalari va koʻplab yorugʻlik manbalari maydonni vizual ravishda kengaytirish imkonini yaratadi. Ushbu uslubning oʻziga xos yana bir xususiyati -  ortiqcha dekorativ elementlar va keraksiz mebellardan voz kechishni talab qilishida. Mebel koʻpincha oddiy geometrik shakllarda boʻladi. Amaliylik, soddalik va qulaylik – bularning barchasi minimalizm bilan bogʻliq.

Loft (boloxona)

U boshqalardan oʻzining nooddiyligi bilan ajralib turadi, kvartiraning tugallanmagan taʻmiri va koʻrinishidagi notugallik bu uslubda asosiy omil hisoblanadi. Gulqogʻoz yoki boʻyoq oʻrniga beton yoki gʻisht devorlar, minimal darajada mebel elementlari va oʻzni boloxonada yashayotgandek his etishi. Yuqori shiftlar va xonalar oʻrtasidagi boʻlinmalarning yoʻqligi ham bu uslubni boshqa koʻplab goʻzal va zamonaviy uslublardan ajratib turadi.

Hay-tek

Uslub futurizmdan ilhomlangan va maksimal funksionallik va amaliylikka amal qiladi. Interyer va butun dizayn kelajak uslubi va yuqori texnologiyalarni oʻzida mujassam etgan. Uslub ruhan minimalizmga yaqin va undan quyidagilarni meros qilib olgan, bular: minimal dekoratsiya va maksimal qulaylik. Ajralib turuvchi jihati – dizayn elementlarining mavhumligi va ayrim oʻrinlarda assimetriyaga egaligi. Dizaynda dizayn va texnologiyaga uygʻun boʻlgan koʻplab geometrik shakllar mavjud. Bir tusli silliq qoplama, koʻp miqdordagi yorugʻlik manbalari, interyerdagi yorugʻ ranglar.

“Contemporary” (Zamonaviy) uslubi

Zamonaviy – bu minimalizm, klassika va shu kabi boshqa uslublarni birlashtirgan uslub. Ushbu uslubning asosida qulaylik va amaliy interyer yaratish yotadi. Unda oʻrtacha narxdagi interyerdan foydalanish, chiziqlarning aniqligi va soddaligi bor, ammo mebelni katta malaka bilan tanlash talab etiladi. Mebelning asosiy xususiyati – kvartirada boʻsh joyni saqlash. Yoqimli estetik zavq yaratish uchun modulli rasmlar va divanlar, yashirin tortmalar va boshqa kombinatsiyalar ustun. Ranglarni tanlayotganda, bir tusli palitralar yoki qarama-qarshi kombinatsiyalarga eʻtibor beriladi. Kvartira maʻlum zonalarga boʻlinadi va tuzilishi yanada kengroq hamda erkinroq hissiyotni beradi.

Yildan yilga modadagi tendensiyalar oʻz ahamiyatini yoʻqotmoqda va tobora koʻproq yangi va qiziqarli dizayn namunalari paydo boʻlmoqda. Yangiliklar, maqbul takliflar va foydali maqolalar haqidagi maʻlumotga ega boʻlish uchun blogimizni kuzatib boring.

Taʻmirlangan kvartiralarni koʻrish